آمریکا تشقی ایشلر وزیرلیگی نینگ ایتیشیچه، قطر پایتختی دوحه‌ده افغانستان اوچون اوشبو مملکت خاص نماینده‌سی توماس وِست ریاستیده آمریکایی بیر هیأت بیلن اسلامی امارت هیأتی، ترورچیلیککه قرشی کوره‌ش مسئله‌لری، اقتصادی ثبات، انسان حقوقی، تهدید بیلن روپه‌ره بولگنلردن حفاظت قییلش، قیزلر مکتب‌لری نینگ آچیلیشی و باشقه بیر قطار موضوع‌لر خصوصیده صحبت اوتکزه‌دیلر.
شونینگدیک قطر گه تشقی ایشلر وزیرلیگی سرپرستی امیر‌خان متقی ریاستیده بیر هیأت نینگ سفر قیلگنی بیلن، سیاسی ایش بیرلرمان‌لر نینگ ایشانچ‌لری گه کوره، دنیا نینگ ایکی قطبی بولیشی و آمریکا هیأت‌لری و اسلامی امارت آره‌سیده سوزلشوولر گه توجه قیلینگنی صورت‌ده، اسلامی امارت برابریده آمریکا و متحد‌لری نینگ استراتژی‌سیده اوزگریش و یومشاقلیک کیلگن دیر.
بیزلرنینگ توییترده هم تعقیب قیلینگ!
سیاسی مسئله‌لر بیلرمانلریدن نصرت‌الله حق‌پال نینگ ایتیشیچه، دنیا نینگ بویوک قدرت‌لری صف‌لری نی کوچلنتییش ایسته‌گنیلری چاغده، آمریکا روسیه و چین تامانیدن اورته گه کیلگن خلا نینگ تولیشی خصوصیده خواطرده دیر.
اونینگ کوپه‌یتیریشیچه، آمریکا اوشبو خلا نی تولدیره‌دی؛ چونکه سیاسیت اسلامی امارت بیلن تعامل و اوچره‌شوو نی قولگه آلگن.
آمریکا تشقی ایشلر وزیرلیگی نینگ ایتیشیچه، انزوا سیاست‌دن قوللنیشده هدف گه ییتیشماق ممکن ایمس، انه‌شوو سبب، موضوع‌لر خصوصیده صحبت اوتکزیلیب و نتیجه قولگه کیلیشی کیره‌ک.
بیزلرنینگ فیسبوک صحیفه‌میزگه باش اورینگ!
خلق‌ارا مسئله‌لر بیرلرمانی محب‌الله شریف نینگ ایتیشیچه، اسلامی امارت یالغیز بیر شکلده حکومت قیلیش نینگ قیین بولگنی نی بیله‌دی و آمریکا نینگ هم باشقه یولی یوق. انه‌شوو سبب ایکی تامان بیر قنچه مدت‌دن کیین، قطرده اونملی مسئله‌لر خصوصیده ییغین اوتکزیش گه قرار آلگنلر.
ایتیش کیره‌ک که، امیر خان متقی ریاستیده اسلامی امارت‌دن بیر هیأت اوتگن کون قطر کیتدی. واشنگن‌پُست کونده‌لیگی بوندن آلدین گزارش بیرگن ایدی که، آمریکا و اسلامی امارت افغانستان مرکزی بانکی نینگ اختیاریده قرار تاپیشی اوچون موزلنگن سرمایه‌لر نینگ آزاد بولینیشی خصوصیده ایشله‌یدیلر.