سابق حکومت ملی یره‌ش عالی کینگش باشلیغی عبدالله عبدالله، بوگون ایرته‌لب (شنبه، ۲۱ جوزا) قریب بیر یریم آی دن کیین هندوستان دن مملکت گه قیتدی. سونگی کونلرده اسلامی امارت تماس کمیسیونی نینگ سعی و حرکتی طفیلی سیاسی سیمالر و سابق حکومت رسمی‌لریدن بیرقطاری مملکت گه قیتر ایکن، جناب عبدالله اولکه گه قیتگن.
شو بیلن بیرگه، سیاسی ایش بیلرمان‌لر نینگ ایشانچی گه کوره، اسلامی امارت مخالف سیمالر نینگ فعالیتی گه رخصت بیرمه‌یدی. اولر نینگ ایتیشلریچه، سیاسی سیمالر نینگ قیتیشی افغانستان وضعیتی اوستیگه تأثیر قیلمه‌یدی؛ چونکه اسلامی امارت حاضرگه قدر مملکت بویلب اپوزیسیون نی قبول قیلیش گه تیار ایمس.
بیزلرنینگ فیسبوک صحیفه‌میزگه باش اورینگ!
بوتوغریده سیاسی ایش بیلرمان طارق فرهادی نینگ ایتیشیچه: «افغانستان نینگ حاضرگی حکومتی، اولر گه بیعت قیلیب و سیاسی فعالیت قیلمه‌یدیگنلر قیتیشینی ایسته‌یدی. حاضر اسلامی امارت اپوزیسیون‌نی قبول قیلمه‌یدی.»
باشقه تاماندن ایش بیلرمان‌لردن بیر قطاری، اسلامی امارت سرپرست حکومتی سابق حکومت سیاسی سیمالرینی چقیریش دن مقصد، حاکمیت‌لرینی مستحکم قیلیش دیه ایشانه‌دیلر.
سیاسی مسئله‌لر بوییچه ایش بیلرمان میرویس آشفته نینگ سلام‌وطندار گه ایتیشیچه: «اوتمیش ده یخشی کارنامه‌سی بولمه‌گن سیمالر قیتیشی، مملکت و اهالی نینگ سیاسی کیله‌جگینی مبهم قیلگن. سرپرست حکومت حاکمیتینی مستحکم قیلیش آرتیده دیر.»
داکتر عبدالله عبدالله و مملکت سابق جمهور رئیسی حامدکرزی، جمهوریت توزومی قوللشیدن کین مملکت ده قالگن سابق حکومت محدود سیاسی رهبرلردن دیر.
بیزلرنینگ توییترده هم تعقیب قیلینگ!
اسلامی امارت حاکمیت‌نی قولگه آلیشیدن کیین جناب عبدالله بیرینچی مراتبه، عایله اعضالرینی یقیندن کوریش اوچون هندوستان گه سفر قیلدی و اوییرده قطار کیشی‌لر بیلن هم ملاقات اوتکزدی.
عین‌حالده، اسلامی امارت سابق حکومت سیمالرینی اولکه گه قیتریش مقصدیده افغان سیاسی شخصیت‌لری بیلن تماس کمیسیونینی ایجاد ایتگن و اوشبو کمیسیون نینگ سعی و حرکتی نتیجه‌سیده بیر قطار کیشی‌لر مملکت گه قیتگنلر.
