سابق دولت ملی یرهش عالی کینگش باشلیغی عبدالله عبدالله ۴۳ کوندن کیین، اولکه پایتختی کابل گه قیتدی.
جناب عبدالله بوگون (شنبه، ۲۱ جوزا) کابل خلقارا هوا قونالغهسیده سنا مجلسی سابق باشلیغی فضلهادی مسلمیار و اسلامی امارت بیر قطار اعضالری تامانیدن کوتیب آلیندی.
بیزلرنینگ فیسبوک صحیفهمیزگه باش اورینگ!
اسلامی امارت، عبدالله عبدالله گه رمضان هییت بیرمی تعطیلاتیده کابل دن چیقیش رخصتینی بیردی. او اوز عایلهسی بیلن اوچرهشیش مقصد هندوستان گه سفر قیلگن ایدی.
اسلامی امارت ایکینچی مرته حاکمیت نی قولگه آلیشیدن کیین، عبدالله عبدالله، سابق دولت باشلیغی حامد کرزی و فضلهادی مسلمیار نینگ خارجی سفرلری گه چیکلاو یرهتگندی.
عبدالله و مسلمیار حاضرگچه چیت ایل سفر قیلگن، لیکن اسلامی امارت حاضرگه قدر کرزی گه خارجی سفر اجازهسینی بیرمهگن.
بیزلرنینگ توییترده هم تعقیب قیلینگ!
ایتیش کیرهک که، اسلامی امارت مملکت سیاسی ییریک رسمیلری اولکه گه قیتیش اوچون، افغان شخصیتلری بیلن تماس کمیسیونی نی ایجاد ایگن. مذکور کمیسیون نینگ سعی و حرکتی طفیلی حاضرگچه سابق دولت رسمیلریدن بیرقطاری کابل گه قیتگن.
