بامیان محلی مسئوللری نینگ ایتیش‌لریچه، اوتگن کونی (جمعه،۸-دلو) توش‌دن کیین، ساعت ۲ اطرافیده فلانکوچ تپلی بیر موتر ۱۹ یولاوچی بیلن اوشبو ولایت نینگ ایکینچی یکاولنگ تومنی مرکزی «دره چاشت»ده فاتحه مراسمی‌دن قیتیب بیرینچی یکاولنگ تومنی تامان حرکت‌ده ایکن‌که «کلیگان» قیشلاغیده یول‌دن چیقیب و چپه بولگن.
بامیان امنیه قومندالیگی سوزلاوچیسی محمد‌خوانی رسا نینگ سلام‌وطندار گه ایتیشچه، مذکور واقعه‌ده ۳ کیشی جان بیریب و باشقه ۱۳ کیشی ایسه یره‌لنگن. اونینگ کوپه‌یتیریشیچه: «بو واقعه قار و سرک نینگ موزلنگنی و هیداوچی نینگ دقت سیزلیگی باعث یوزبیرگن.»
بیزلرنینگ فیسبوک صحیفه‌میزگه باش اورینگ!
بامیان امنیه قومندالیگی نینگ سوزلاوچیسی گه کوره، یره‌لنگنلر درمان اوچون اوشبو ولایت نینگ ولایتی کسل‌خانه‌سی گه انتقال بیریلگن. بیراق بامیان ولایتی کسل‌خانه باش شفاکاری داکتر خیرالله احمدی، اوشبو ولایت محلی خبرچیلری گه ایتگن که، مذکور حادثه‌ده یره‌لنگن‌لردن ۴ ته‌سی نی وضعیتی یمان دیر و درمان و یخشی مراقبت اوچون کابل نینگ کسل‌خانه‌لریدن بیریگه انتقال بیریلگن.
ایتیش کیره‌ک که ایکی کون آلدین دایکندی ولایتیده ایکی ترافیکی حادثه نتیجه‌سیده، ۲ کیشی جان بیریب و باشقه ۱۴ کیشی یره‌لنگن ایدی.
بیزلرنینگ توییترده هم تعقیب قیلینگ!
بامیان و دایکندی، مملکت مرکزی‌ده کم عرض سرک‌‌لی ولایت‌لردن دیر که قییش موسمی‌ده قار یاغیش، موزلنیش و هیداوچیلر نینگ توجه‌سیزلیگی باعث، قانلی ترافیکی واقعه‌لر گه شاهد بوله‌دی.
