هلمند ده دهقان‌لردن قطاری نینگ سلام‌وطندار گه ایتیش‌لریچه، هوا نینگ ساووق بولیشی، اوت بهاسی نینگ یوقاری کیتیشی و چاروه‌لر اوچون ییلاو یوقلیگی سبب، ایشلری نی ترک قیلیش گه مجبور بولگنلر.
هلمند ده چاروه‌دارلردن بیری فتیح‌خان نینگ ایتیشیچه: «ساووق قیش ییتیب کیلماقده، قوی‌لریم‌دن برچه‌سی اولدی، یالغیز ایکی قوییم قالدی. بیزلر گه توجه بولیشی کیره‌ک.»
بیزلرنینگ توییترده هم تعقیب قیلینگ!
شونینگدیک هلمند ولایتیده چاروه‌دارلردن باشقه بیری شفیع‌الله نینگ ایتیشیچه: «دولت بیزلر گه یاردم بیرمه‌گن و بیز کوچ‌منچیلر گه توجه بولیشی کیره‌ک. ییلاو و چاروه‌لر نینگ سقلش اوچون ییر یوق و اوت هم قیمت بولگن.»
شونده‌ی بیرحالده، هلمند مرکزی لشکرگاه شهری‌ده‌گی قصاب‌لردن قطاری نینگ ایتیش‌لریچه، چاروه‌دارلر ایشلری نی ترک قیلگنلری صورت‌ده، گوشت بهاسی اوتمیش‌دن کوپراق بولیشی ممکن.
قصاب‌لردن بیری سمیع‌الله نینگ ایتیشیچه: «چاروه‌چیلری قوی سقلمه‌گنلری صورت‌ده، گوشت بهاسی یوقاری کیته‌دی. حاضر ایسه هر سیر گوشت تورت مینگ افغانی بولگن که آلتی مینگ گه هم ییتیشیشی ممکن.»
باشقه بیر تامان‌دن، هلمند ایکینچی‌لیک، سووغاریش و چاروه‌چیلیک ریاست مسئوللری نینگ ایتیش‌لریچه، چاروه‌دالردن قطاری گه یاردم بیریلگن و بو پروسه نینگ دوام تاپیشی خصوصیده سعی و حرکت بوله‌دی.
بیزلرنینگ فیسبوک صحیفه‌میزگه باش اورینگ!
هلمند ایکینچی‌لیک ریاستی نینگ چاروه‌چیلیک و حیوان‌لر سلامت‌لیگی آمری شاه‌محمد نینگ ایتیشیچه: «بو توغریده چاروه‌دارلر قیین‌چیلیگی گه تیگیشلی وزیرلیک‌لر و یاردم بیرووچی نهاد‌لر بیلن صحبت قیلماقده‌میز. حاضرگچه ۲۹۴۲ چاروه‌دار گه اوت ترقه‌تیلگن.»
ایتیش کیره‌ک که، مملکت‌ده‌گی سونگی قوروق‌چیلیک، یالغیز هلمند ده‌گی چاروه‌دالر و دهقان‌لر ایمس بلکیم باشقه ولایت‌لر گه هم تاثیر قیلگن که دهقان‌لردن قطاری شاقه ایشلر گه یوز کیلتیرگنلر یا-ده قوشنی مملکت‌لر گه مهاجر بولگنلر.
