پروان امنیه قوماندانلیگی مسئوللری، اوشبو ولایت‌ده بیر ایرکک نینگ اولدیریلگنی‌دن خبر بیرگنلر.
پروان امنیه قوماندانلیگی سوزلاوچیسی محمد‌کامران حبیبی نینگ سلام‌وطندار گه ایتیشیچه، اوتگن کون توش‌دن کیین ساعت ۳:۰۰ اطرافیده، مذکور ولایت مرکزی چاریکار شهری نینگ بیرینچی خوفسیزلیک حوزه اطرافیده، عبدالحبیب اسم‌لی بیر ایرکک، محمد‌اعظم اسم‌لی بیر ایرکک نی اوققه توتیب اولدیرگن.
بیزلرنینگ توییترده هم تعقیب قیلینگ!
قاتل پروان ولایتی سالنگ تومنی نینگ اصلی یشاوچیسی ایکن. جناب حبیبی نینگ اورغولشیچه، قاتل پولیس کوچلری آرقه لی قولگه آلینگن و بو توغریده تیکشرولر باشلنگن دیر.
پروان امنیه قوماندانلیگی سوزلاوچیسی، اوشبو واقعه نینگ اصلی سببی حقیده هیچ نرسه دیمه‌گن.
بیزلرنینگ فیسبوک صحیفه‌میزگه باش اورینگ!
بیراق منبع‌لر نینگ سلام‌وطندار گه ایتیش‌لریچه، مذکور ایرکک اونینگ تامانیدن اولدیریلگن کیشی، ایناغه‌سی نینگ قاتلی بولگنی نی ادعا قیلگن که، اوتگن ییل ایناغه‌سی نی اولدیرگن ایکن و حاضر ایسه او انتقام آلگن دیر.
