ننگرهار نینگ هسکه‌مینه تومنی‌ده مسلکی انجینیر‌لر و ییگیت‌لردن قطاری نیچه مدت‌دن بیری قوروق‌چیلیک‌دن توسیق بولیش اوچون سعی و حرکت نی باشلب و کیچیک سوو توغان‌لر نینگ توزه‌تیش بیلن، سوو کملیگی خصوصیده‌گی قیین‌چیلیک‌لر نینگ حل قیلیش نی ایسته‌یدیلر.
اوشبو ییگیت‌لر نینگ ایتیش‌لریچه، مذکور توغان‌لر نینگ توزه‌تیلیش هزینه‌سی نی اهالی پرداخت قیله‌دی و حاضرگچه توپلنگن پول‌لردن هسکه‌مینه تومنی‌ده ۱۰ سوو توغانی توزه‌تیلگن که ۳۵ مینگ مترمکعب سوو نی ذخیره قیلیش ظرفیتی گه ایگه دیر.
شونینگدیک اوشبو انجینیرلردن بیری پرویز شینواری نینگ سلام‌وطندار گه ایتیشیچه، مذکور توغان‌لر محل یشاوچیلری نینگ یاردمی بیلن توزه‌تیله‌‌دی. اونینگ کوپه‌یتیریشیچه، اوشبو توغان‌لر سوو تاشقین‌‌لر نینگ آلدینی آلینیشی اوچون هم فایده‌لی بولیشی ممکن.
اونینگ کوپه‌یتیریشیچه: «اوشبو توغان‌لر اوچ رقم دیر. توپراق و تاش قوللنگن توغان‌لر نینگ سانی ۵ ته دیر که مذکور کیچیک توغان‌لر کمیده ۱۰۰۰ مترمکعب سوو نی ذخیره قیله آله‌دی. شونینگدیک توپراق‌دن توزه‌تیلگن بویوک توغان‌لر ۴ مینگ الی ۶ مینگ مترمکعب سوو ذخیره قیلیش ظرفیتی گه ایگه دیر که اولر نینگ سانی ۴ ته دیر. اوچینچی تیپی سمنت و تاش‌دن توزه‌تیلگن که اولرنینگ ظرفیتی یوقاری دیر و قیشلاغ یشاوچیلری مستقیم شکلده دروازه‌سی نی آچیب و اونینگ ذخیره بولگن سووی‌دن سوغاریش اوچون استفاده قیلیش‌لری ممکن. اوشبو توغان‌لر ۱۶ مینگ مترمکعب سوو ذخیره قیلیش ظرفیت گه ایگه دیر.»
بیزلرنینگ فیسبوک صحیفه‌میزگه باش اورینگ!
توزه‌تیلیشی کوپ قیین بولمه‌گن کیچیک توغان‌لر، سوو تاشقین‌لردن توسیق بولیشی گه علاوه، شونینگدیک ییرلر نینگ سووغاریش اوچون هم فایده‌لی دیر. جناب شینواری نینگ ایتیشیچه، مملکت‌لردن قطاری اینیقسه هندوستان و عربستان‌ده بو کبی کیچیک توغان‌لر، ایکین‌چیلیک ییرلری نینگ سووغاریلیشی اوچون یخشی نتیجه بیرگن دیر.
اونینگ کوپه‌یتیریشیچه: «بایر ییرلر نینگ آباد قیلیش اوچون ارزان دیر که تیزلیککه نتیجه بیره‌دی. شونینگدیک عربستان ده یامغیر آز یاغه‌دی، اولر اوشبو یول‌دن قوللنیب و اوتگن ۲۰ ییل جریانی‌ده کوپینچه بایر ییرلری نینگ توزه‌تگنلر. بایر ییرلرده شو رقم توغان‌لر نینگ ایجاد بولیشی یخشی دیر و اوندن کیین اوشبو ییرلر گه میوه‌لی و میوه‌سیز درخت‌لر ایکلیشی کیره‌ک.»
اونگه کوره، ننگرهار گه علاوه، اولر پکتیا و میدان‌وردک ولایت‌لریده هم ایکی توغان نینگ ایشی نی باشله‌گنلر که مینگ‌لرچه مترمکعب سوو نینگ ذخیره قیلیش گه ظرفیتی بار. شونینگدیک او اسلامی امارت‌دن بو توغریده همکارلیک قیلیش‌لری نی ایسته‌یدی.
بیزلرنینگ توییترده هم تعقیب قیلینگ!
هسکه‌مینه تومن یشاوچیلری اوشبو توغان‌لر نینگ توزه‌تیلیشی خصوصیده خورسند‌لیک بیلدیریب و ایتیش‌لریچه، مذکور توغان‌لر سوو ذخیره قیلیش و سووغاریش اوچون جوده‌یم فایده‌لی دیر. اولر حکومت‌دن بو کبی کیچیک توغان‌لر نینگ کوپه‌یشی نی ایسته‌ب و شونینگدیک بو توغریده اولر بیلن همکارلیک قیلیش‌لری نی سوره‌گنلر.
هسکه مینه تومنی نینگ یشاوچیلریدن سباوون نینگ ایتیشیچه: «اوشبو توغان نینگ توزه‌تیلگنیدن جوده‌یم خورسند‌میز، بایر ییرلر نینگ سووغاریلیشی اوچون یخشی بیر اقدام دیر و قوروق‌چیلیک نینگ آلدینی آله‌دی. حاضر ایسه منطقه‌لردن قطاری‌ده سوو یوق و قوروق‌چیلیک اهالی گه کوپینچه قیین‌چیلیک ایجاد قیلگن. شونینگدیک باشقه توغان توزه‌تیش‌لری اوچون خدا توفیق بیرسین.»
سوو یوقلیگی و قوروق‌چیلیک حاضر ایسه دنیا نینگ اینگ بویوک قیین‌چیلیگی گه اوزگرگن و افغانستان هم قوروق‌چیلیک بیلن روپه‌ره بولگن مملکت‌لردن بیری دیر. شونده‌ی بیرحالده، بیرلرمانلر نینگ ایتیش‌لریچه، اهالی و حکومت سوو توغان‌لری نینگ ایجاد بولیشی خصوصیده همکارلیک قیلگنلری صورت‌ده، افغانستان تیزلیککه سوولری نینگ مدیریت قیلیش کوچی گه ایگه بولیب و اهالی حاضرگی یامان اقتصادی وضعیت‌دن نجات تاپیش‌لری ممکن.