جوزجان پولیس قومندانلیگی سوزلاوچیسی احمد مسعود ندیم نینگ سلاموطندارگه ایتیشیچه، خدایقل آتلی بیر کیشی مشروب ایچگنیدن سونگ، کلاشینکوف بیلن اوق آتیشگه باشلهگن.
جوزجان پولیس قومندانلیگی سوزلاوچیسی نینگ کوپهیتیریشیچه، اوق آتیش جریانیده بیر اوق ۱۶ یاشده بولگن مزاری آتلی قیزی نینگ قلبیگه اصابت قیلگن و و مذکور قیز کسلخانهگه انتقال بیریلمسدن آلدین جان بیرگن.
جناب ندیمگه کوره، اوشبو واقعه خصوصیده خدایقل شامل ایکی کیشی قولگه آلینگن و دوسیهلری عدلی و قضایی نهادلرگه تاپشیریلهدی.
عینحالده، مزاری نینگ آنهسی نفیسه دولتدن عدالت ایستهیدی، اونینگ ایتیشیچه، تورموش اورتاغی مشروب ایچگنیدن سونگ، ناقانونی قورال آرقهلی اوشبو جنایتنی ایشلهگن و انهشو باعث، جزالنتیریلیشی کیرهک.
خانم نفیسهگه کوره، بوتوغریده محکمه نینگ قراری صادر بولمهگن صورتده، عدالت ایستهشگه دوام بیرهدی.
شونینگدیک، جوزجان یشاوچیلری، اوشبو ولایتده ناقانونی قوراللی کیشیلر کوپهیگنیدن خواطر بیلدیریب و سونگی ایکی هفتهده بو اوچینچی جنایت دیگنلر.
بیراق، امنیتی مسووللر، ناقانونی قورالی کیشیلر رقمی حقیده معلومات بیرمهیدیلر، لیکن بوندهی واقعهلر جدی شکلده تیکشیریلیشینی ایتهدیلر.