فاریاب بوییچه اسلامی امارت محلی مسئوللری نینگ ایتیش‌لریچه، اوشبو ولایتده اسلامی امارت نینگ ایکی قومندانی آره‌سیده‌گی آتیشمه‌ده، اوچ کیشی هلاک و ایکی کیشی یره‌لنگن.
فاریاب معلومات و مدنیت ریاست رئیسی شمس‌الله محمدی نینگ سلام‌وطندار گه ایتیشیچه، مذکور آتیشمه اوتگن کیچه اوشبو ولایت نینگ بلچراغ تومنی «خواجه‌عرب» منطقه‌سیده یوزبیرگن.
محمدی گه گوره، اسلامی امارت نینگ انس و بلال ناملی ایکی قومندانی بیربیراوی بیلن آتیشگنلر که نتیجه‌ده، انس و بلال نینگ ایکی حربی‌سی مذکور آتیشمه‌ده هلاک بولگن. اونینگ کوپه‌یتیریشیچه، اوشبو آتیشمه‌ده بلال بیر حربی‌سی بیلن یره‌لنگن.
بیزلرنینگ فیسبوک صحیفه‌میزگه باش اورینگ!
فاریاب معلومات و مدنیت ریاست رئیسی نینگ اورغولشیچه، مذکور آتیشمه شخصی دشمنلیکلر باعث یوزبیرگن. شونده‌ی بیرحالده، نیچه کون آلدین بدخشان ولایتی نینگ مایمی تومنیده اسلامی امارت کوچلری آره‌سیده آتیشمه یوزبیریب و نتیجه‌ده اوچ کیشی هلاک و ۴ کیشی ایسه یره‌لنگن ایدی.
