غور ولایتی بوییچه ساغلیق‌نی سقلش ریاستی نینگ طالبان تامانیدن تعیین‌لنگن باشلیغی مولوی احسان‌الله نینگ اوشبو ولایتده ۹۱ ساغلیک مرکز باغلنگنیدن خبر بیریب ایتیشیچه، بودیجه یوق‌لیگی سبب، مذکور مرکزلر نینگ فعالیتی تاخته‌تیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، بو رقم ساغلیک مرکزلر نینگ باغلنگنی باعث، ۱ مینگ‌‌دن آرتیق داکتر، نرس، قابله و خدمه ایش‌لرینی قولدن بیرگن.
عین‌حالده، غور یشاوچی‌لری و مدنی فعال‌لری اوشبو ولایتده ساغلیک مرکزلر نینگ باغلنگنیدن خواطر بیلدیریب ایتیش‌لریچه، دنیا خلق ارا جماعه‌سی اینیقسه دنیا ساغلیک تشکیلاتی اهالی وضعیتی‌گه جدی شکلده دقت قیلمه‌گن صورتده، بو ولایتده انسانی فاجعه یوز بیریش ممکن.
غور ولایتیده انسانی یاردم‌لر یا-ده CHA موسسه‌سی نینگ تخنیکی بولیمی مسئولی سید فقیرشاه فقیری نینگ ایتیشیچه، مذکور ولایتده بودجه یوق‌لیگی باعث، ساغلیک خذمت‌لر ییتیشتیریش جریانی توخته‌تیلگن.
بیزلرنینگ فیسبوک صحیفه‌میزگه باش اورینگ!
ایتیلیشیچه، دنیا ساغلیک تشکیلاتی بوندن آلدین بیر گزارش نشر قیلیب افغانستانده ساغلیک پروژه‌لر بودجه‌سی توخته‌تیلیشی بیلن اوشبو مملکت‌ده ۲ مینگ دن آرتیق ساغلیک مرکز باغله‌نیش خطری بیلن دوچ کیلگنی‌نی بیلدیرگن ایدی. اوشبو تشکیلات‌گه کوره، افغانستانده ساغلیک بولیم ده بودجه اجره‌تیلمه‌گن صورتده، میلیون‌لرچه کیشی‌نی ساغلیک خذمت‌لردن محروم قالیشی ممکن.
