دنیا ساغلیک تشکیلاتی باشلیغی تدروس آدهانوم، مذکور تشکیلاتدن بولگن بیر هیأت ییتکچیلیگیده کابل کیلگن. ساغلیک وزیرلیگی سرپرستی وحید مجروح نینگ رسانه‌لرگه ایتیشیچه، دنیا ساغلیک تشکیلاتی نینگ رئیسی بیر هیأت بیلن بوگون کابل کیلگن.
اوشبو سفرده، دنیا ساغلیک تشکیلاتی نینگ رئیسی نی مذکور تشکیلات نینگ شرقی مدیترانه حوزه باشلیغی، شرقی مدیترانه حوزه نینگ شاشلینچ وضعیت باشلیغی و شرقی مدیترانه حوزه نینگ پولیو مسئولی یولداش‌لیک قیله‌دی. شونینگدیک، تدروس آهانوم توییتر صحیفه‌سیده یازیشیچه، دنیا ساغلیک تشکیلاتی افغانستان اهالیسی گه یاردم بیریش اوچون بو مملکت نینگ یانیده توره‌دی.
افغانستان طالبان قولیگه سقوط قیلگنیدن کیین، بو بیرینچی مرته که دنیا ساغلیک تشکیلاتی نینگ رئیسی و شرقی مدیترانه حوزه‌سیده مذکور تشکیلات ییریک مسئوللری افغانستان کیلگن. دنیا بانکی نینگ افغانستان ساغلیک بولیم‌لریده یاردم‌لری توختلگنیدن کیین، اولر اوشبو مملکت گه سفر قیلگن.
عین حالده، کابل طالبان قولیگه سقوط قیلگنیدن کیین، ساغلیک بولیم‌لریده دنیا بانکی نینگ یاردم‌لری توخته‌تیلدی. ایتیلشیچه، دنیا ساغلیک تشکیلاتی نینگ ییریک رسمی‌لرینی افغانستان گه قیلگن سفریدن مقصد، مذکور یاردم‌لر دوام ایتیلیشی توغریسیده سوزلشیش دیر.
