اوتگن بیر ییل ده، عیاللر یره‌تیلگن چیکلاولردن اذیت چیکماقده ایدیلر، بیراق اولردن بیر قطاری رستورانت و تیکووچیلیک ایش‌خانه‌لر نی ایجاد قیلیش و شونینگدیک قول صناعت و ایچکی تولید‌لر خصوصیده کورگزمه‌لر نینگ یولگه قوییش بیلن، اوزلری و باشقه عیاللر گه ایش زمینه‌سی نی یره‌تگنلر.
بیر آی آلدین کابل شهری‌ده تیکووچیلیک ایش‌خانه ایجاد قیلگن حسنا رووفی نینگ سلاموطندار گه ایتیشیچه: «جماعه‌ده چیکلاو‌لر یره‌تیلگنی بیلن، تیکووچیلیک بیر ایش‌خانه ایجاد قیلیش گه قرار آلدیم که بو رقم شرایط‌ده عیاللر گه تینچ بیر ایش زمینه‌سی یره‌تیلیب و ایش اورگنسینلر.»
بیزلرنینگ توییترده هم تعقیب قیلینگ!
اونینگ کوپه‌یتیرشیچه، عیاللر گه ایش برابریده یره‌تیلگن چیکلاو‌لر، نادار عیاللر ایشی خصوصیده سعی و حرکت قیلیش‌لری گه سبب بولدی که، انه شوو سبب عیاللر و قیزلر گه ایش زمینه‌سی نی ایجاد قیلیش گه فکر قیلگن.
رسانه‌لرده ترقه‌تیلگن گزارش‌لر اساسیده، اوتگن بیر ییل‌ده کابل ده عیاللر آرقه‌لی ایکی رستورانت و بیر تیکووچیلیک ایش‌خانه ایجاد بولگن و شونینگدیک ایکی ایچکی تولید‌لر و کییم کورگزمه‌سی و بیر کتاب‌خانه برنامه‌سی عیاللر آرقه‌لی یولگه قوییلگن.
شونینگدیک، قندوز تیکووچیلیک بیر مرکزی، بغلان ده بیر تیکووچیلیک مرکز و ایکی رستورانت، هرات ده اوچ تیکووچیلیک مرکز و تخار ده بیر تیکووچیلیک مرکز ایجاد بولیب و بلخ ده هم بیر تیکووچیلیک مرکز عیاللر تامانیدن ایجاد بولگن. شونینگدیک تخار ده ایچکی و کییم تولید‌لریدن بیر کورگزمه عیاللر آرقه‌لی یولگه قوییلگن.
شونده‌ی بیرحالده، اقتصاد ایش بیلرمانی نینگ ایتیشیچه، ایش‌خانه‌لر و رستورانت‌ده عیال ایشلاوچیلر نینگ ایشله‌یشی، اولر نینگ اقتصادی خصوصیده مستقیم تاثیری بار.
شونینگدیک سوداگرلیک و صناعت وزیرلیگی نینگ ایتیشیچه، سونگی آی‌لرده ۲۴۵ ایش جوازی ایشلاوچی عیاللر گه صادر بولگن.
بیزلرنینگ فیسبوک صحیفه‌میزگه باش اورینگ!
عین حالده، اقتصاد وزیرلیگی سوزلاوچیسی جواد آخند‌زاده نینگ ایتیشیچه: «جواز بیریش خصوصیده هم بیزلر سهولت ایجاد قیلگن‌میز و خلق‌ارا کورگزمه‌لر نینگ یولگه قوییلیشی خصوصیده هم سعی و حرکت قیله‌میز. اولر گه توارلری نینگ انتقال تاپیشی بولیمی‌ده هم سهولت ایجاد قیله‌میز.»
عین حالده، اسلام امیر‌لیگی نینگ قدرت گه ایریشگنیدن کیین، عیاللر تعلیم و دولتی اداره‌لرده ایش قیلیش منع بولدیلر و شونینگدیک اوشبو اداره‌لردن تشقی‌ده هم ایش زمینه‌سی محدود بولدی.
