معلومات و مدنیت وزیرلیگی مسئوللری، «فریلانسینگ یا-ده آنلاین سوداگرلیک برنامه‌سی» اسمی آستیده یولگه قوییلگن ۳ آیلیک کورس‌دن ۴۴ ایش اورگنووچی نینگ فراغت احتفالیده ایتیشلریچه، حاضر مملکت‌ده ایش‌سیزلیک رقمی کوپه‌یگن.
اولر گه کوره، حاضر ایسه مملکت‌ده ۲ میلیون کیشی ایش‌سیز بولیب و اولردن کوپینچه‌سی نی تحصیل قیلگن یاشلر تشکیل بیره‌دی.
بیزلرنینگ فیسبوک صحیفه‌میزگه باش اورینگ!
معلومات و مدنیت وزیرلیگی نینگ یاشلر ایشلری بوییچه معینی محمدیونس راشد نینگ ایتیشیچه، اوشبو برنامه نی مملکت‌ده یاشلر نینگ اقتصادی نقطه نظردن کوچلنتیریش مقصد، یولگه قوییگنلر.
جناب راشد نینگ کوپه‌یتیریشیچه: «یاشلر قیین‌چیلیگی نی حل قیلیش، معینیت ایشی دیر و یاشلر آره‌سیده ایش‌سیزلیک کوپه‌یگن. ۲ میلیون ایش‌سیز بار و بیر میلیون کیشی گه ایش زمینه‌سی یره‌تیلگن. حکومت نینگ ایشی که، اولر نینگ قیین‌چیلیگی نی حل قیلیش اوچون ییچیم یول‌لر نی اخترسه و بیزلر بو یول آرقه‌لی آنلاین مدرسه توزته آله‌میز و شونینگدیک مملکت ایچی و تشقی‌ده‌گی یشاوچیلر گه آنلاین مکتب هم توزته آله‌میز.»
شوندی بیرحالده، مذکور آنلاین بازاری بوییچه یولگه قوییلگن کورس‌دن فراغت حجت‌نی قولگه کیلتیرگن ایش اورگنووچی‌لردن قطاری، بوندن کیین آنلاین سوداگرلیک، گرافیک دیزاین کبی بولیم‌لر همده خلق‌ارا ییریک کمپنیه‌لر فعالیت‌لریگه لایحه‌لرینی عملگه آشیریش بیلن حصه قوشیش‌گه تیار ایکن‌لرینی معلوم قیله‌دیلر.
افغانستان فریلانسینگ گروهی اعضالریدن بیری محمداصیل عمر نینگ ایتیشیچه، اوشبو برنامه یاشلر اقتصادی رواجلنیشی اوچون کوپ اونملی دیر. اونینگ کوپه‌یتیریشیچه: «گرافیک فریلانسینگ بولیمی و ترجمه بولیمی‌ده ایشله‌دیم. تورت آی آلدیم ایشگه باشله‌دیم و تورلی مملکت‌لر گه برنامه‌لریم نی ساتگن‌مین.»
بیزلرنینگ «ایکس» ترماغی ده هم تعقیب قیلینگ!
افغانستان فریلانسینگ گروهی اعضالریدن باشقه بیری محمداسماعیل آرین نینگ ایتیشیچه، بوندن کیین آنلاین سوداگرلیک آرقه‌لی درآمد قولگه کیلتیره آله‌دی. اونینگ کوپه‌یتیریشیچه: «اوچ آی‌ده اوچ پروژه نی تطبیق قیله آلدیم و بیر شرکت‌دن ۴۵۳ دالر و بیر لایحه‌دن ۱۰۰ دالر آلدیم.»
معلومات و مدنیت وزیرلیگی مسئوللری نینگ ایتیشلریچه، اولر کیله‌سی ییل‌ده مملکت بویلب ۲۰ مینگ کیشی گه آنلاین سوداگرلیک تعلیم زمینه‌سی نی یره‌تیش خصوصیده قرار آلگنلر.
ایتیش کیره‌‌ک که، بوندن آلدین اوشبو اوچ آیلیک آنلاین تعلیمی کورس‌لر یالغیز بلخ ولایتی‌ده یولگه قوییله‌ر ایدی، بیراق حاضر ایسه کابل، قندهار و ننگرهار ده هم اوشبو کورس‌لر یولگه قوییله‌دی.
