کابل ایمرجنسی کسل‌خانه‌سی بیر تویت آرقه‌لی اعلام قیلگن که، بوگون توش‌دن کیین (چهارشنبه، ۱۳ میزان) ایچکی ایشلر وزیرلیگی مسجدی‌ده یوز بیرگن پارتلش‌دن، مذکور کسلخانه گه ۲۰ کیشی انتقال تاپگن که، اولردن ایکی ته‌سی کسلخانه گه ییتیشگنی چاغیده جان بیرگن.
ایچکی ایشلر وزیرلیگی سوزلاوچیسی عبدالنافع تکور اوشبو پارتلش نی تصدیق‌لب بیراق ایتیشیچه، مذکور پارتلش اوشبو وزیرلیک یقینیده‌گی فرعی بیر مسجدده یوز بیرگن.
بیزلرنینگ فیسبوک صحیفه‌میزگه باش اورینگ!
جناب تکور نینگ کوپه‌یتیریشیچه، ایچکی ایشلر وزیرلیگی ایشلاوچیلریدن قطاری اوشبو مسجد گه نماز اوقیش اوچون باره‌دیلر.
او مذکور پارتلش تلفاتی خصوصیده هیچ بیر نرسه دیمه‌گن. ایچکی ایشلر وزیرلیگی سوزلاوچیسی ایتگن که، بو توغریده تیکشیریش‌لر نینگ دوامی بار و جزئیات نی کیین‌راق رسانه‌لر بیلن شریک قیله‌دیلر.
شونده‌ی بیرحالده، الجزیره خبری ترماقی گزارش بیرگن که، اوشبو پارتلش‌ده اوچ کیشی هلاک و ۲۵ کیشی یره‌لنگن.
حاضرگچه بیرار گروه یا_ده شخص اوشبو پارتلش مسئولیتی نی بوینیگه آلمه‌گن.
ایتیش کیره‌ک که، سونگی بیر هفته جریانیده، کابل ده یوز بیرگن ایکینچی اولیم‌لی پارتلش دیر. جمعه کونی ایرتنگ چاغی ۸_میزان کابل غربی‌ده جایلشگن کاج تعلیمی مرکزی خودکش هجوم هدفی آستیده قرار تاپدی که، اوشبو هجوم کوپینچه عکس‌العمل و اعتراض بیلن روپه‌ره بولگن دیر.
بیزلرنینگ توییترده هم تعقیب قیلینگ!
افغانستان ده بیرلشگن ملت‌لر تشکیلاتی نینگ اورین‌باسرلیک هیئت دفتری (یوناما) نینگ ترقه‌تگن سونگی آماری اساسیده، کاج تعلیمی مرکزی گه اویوشتیریلگن هجوم‌ده ۵۳ کیشی هلاک و ۱۱۰ کیشی یره‌لنگن. یوناما ایتگن که، هلاک بولگن‌لر آره‌سیده کمیده ۴۶ قیز و عیال شامل دیر.
شونینگدیک حاضرگچه اوشبو هجوم مسئولیتی نی هیچ کیم بوینیگه آلمه‌گن.
