خوست و میدان‌وردک ده منبعلر نینگ سلام‌وطندار گه تصدیق‌لب ایتیش‌لریچه، مذکور ایکی ولایت‌ده یوز بیرگن سوو تاشقینلر نتیجه‌سیده، ۷ کیشی هلاک بولگن.
خوست ولایتی‌ده منبعلر نینگ ایتیش‌لریچه، اوتگن کیچه اوشبو ولایت نادر‌شاه‌کوت تومنی‌ده یوز بیرگن سوو تاشقینلر سبب، ایکی باله شامل بیر عایله نینگ ۴ اعضاسی هلاک بولگن.
بیزلرنینگ توییترده هم تعقیب قیلینگ!
منبعلر گه کوره، مذکور ۴ کیشی مینگن موتر، یوز بیرگن سوو تاشقینلر گه آقیب و اوشبو کیشی‌لردن برچه‌سی هلاک بولگن.
باشقه بیر تاماندن، مذکور هلاک بولگن کیشی‌لر نینگ عایله اعضاسی‌دن بیری نینگ سلام‌وطندار گه ایتیشیچه، اوتگن کیچه یوز بیرگن سوو تاشقینلر گه اولر نینگ عایله اعضاسی‌دن ۴ ته‌سی آقیب و هلاک بولگن.
مذکور ۴ کیشی پکتیا ولایتی نینگ اصلی یشاوچیسی ایکن. خوست محلی مسئوللری حاضرگچه بو توغریده هیچ بیر نرسه دیمه‌گنلر.
شونده‌ی بیرحالده، اوتگن کیچه میدان‌وردک ده یوز بیرگن سوو تاشقین سبب، اوچ کیشی هلاک بولگن.
بیزلرنینگ فیسبوک صحیفه‌میزگه باش اورینگ!
میدان‌وردک طبیعی حادثه‌لر گه قرشی کوره‌ش ریاست رئیسی فیض‌الله جلالی نینگ سلام‌وطندار گه ایتیشیچه، مذکور ولایت نینگ جلریز تومنی‌ده یوز بیرگن سوو تاشقینلر نتیجه‌سیده، ۳ کیشی هلاک بولگن و شونینگدیک اهالی گه کوپینچه مالی زیان ییتیشگن.
عین حالده، اوتگن کیچه شونینگدیک مملکت نینگ باشقه بیر قطاری ولایت‌لریده یوز بیرگن سوو تاشقینلر و یاغیش سبب، اهالی گه کوپینچه مالی زیان ییتیشگن.