بوگون طبیعی آفت‌لرنی باشقریش دولت وزیرلیگی بیلن قوشمه خبری ییغینده اشتراک ایتگن چین نینگ کابل ده‌گی ایلچیسی وانگ یو، آمریکا قوشمه ایالت‌لری نینگ افغانستان نی مسئول‌سیزلیک بیلن ترک ایتیشیدن تنقید ایتدی.
چین ایلچیسی گه کوره، افغانستان گه آمریکا کیلیشی بیلن، اوشبو مملکت یشاوچیلری ایریم قیینچیلیکلر بیلن روپه‌ره بولدیلر و حاضر بو مملکت نی مسئول‌سیزلیک بیلن ترک ایتیشی باعث، افغانستان یشاوچیلری نینگ قیینچیلیکلرینی ایکی برابر کوپه‌یتیرگن.
بیزلرنینگ فیسبوک صحیفه‌میزگه باش اورینگ!
شونینگدیک او، آمریکا قوشمه ایالت‌لری تامانیدن افغانستان سرمایه‌لری توسیلیشیدن تنقید قیلیب ایتیشیچه، اوشبو مملکت افغانستان ده‌گی وضعیت حلی اوچون یاردم بیرمسلیگیگه قوشیمچه، قیینچیلیکلر کوپه‌یشیگه سبب بولگن.
چین ایلچیسی گه کوره، آمریکا افغانستان ده قیلگن ایشلری مسئولیتینی تن آلیشی کیره‌ک. اونینگ کوپه‌یتیریشیچه، چین افغانستان ده شخصی منفعتی آرتیده ایمس و بو مملکت نینگ ایچکی ایشلری گه هم اره‌لشمه‌یدی.
ینگی‌لیکده ایران نینگ افغانستان اوچون مخصوص نماینده‌سی، افغانستان خلقی «آمریکا شری» دن قوتیلیشنی سوره‌گچ، چین ایلچیسی کابل ده بو گَل سوزلرنی ایتگن.
بیزلرنینگ توییترده هم تعقیب قیلینگ!
شو بیلن بیرگه، سیاسی ایش بیلرمان‌لردن بیر قطاری نینگ ایشانچی گه کوره، چین و ایران ایلچی‌لری آمریکا بیلن دشمن‌لیگی باعث بو گَل سوزلرنی بیان قیلگنلر. اولر منطقه مملکت‌لریدن، افغانستان وضعیتی حلی اوچون، سرپرست حکومت نی دنیا جماعه‌چیلیگی نینگ خواهش_اراده‌سینی قبول قیلدیریشنی سوره‌یدیلر.
اسلامی امارت حاکمیت نی قولگه آلیشیدن اون آی دن کوپ اوتسه‌ده، بیراق حاضرگه قدر هیچ بیر مملکت تامانیدن رسمیت گه تانیلمه‌گن و افغانستان وضعیتی اینیقسه اهالی نینگ اقتصادی وضعیتی گه دایر خواطرلر کوچه‌یماقده.
