اسلامی امارت سرپرستی مولوی نورالله منیر ارزگان گه قیلگن سفری جریانیده و تعلیمی مرکزلردن قطاری نی کورگنیدن کیین، ایتگن که، قیز مکتب‌لر فرهنگی قیین‌چیلیک‌لر سبب، یاپیق قالگن دیر.
اونینگ ایتیشیچه، شهرده‌گی‌لردن باشقه آدم‌لر قیزلری نینگ شونده‌ی شرایط‌ده مکتب باریشی‌نی ایستمه‌یدیلر.
بیزلرنینگ توییترده هم تعقیب قیلینگ!
اونگه کوره، اهالی ایسته‌کلری گه توجه بولمه‌گنی صورت‌ده، اولر نینگ عصیان قییلش‌لری ممکن و اسلامی امارت قیزلر تعلیمی اوچون مناسب زمینه یره‌تیش خصوصیده سعی و حرکت قیله‌دی.
اونینگ ایتیشیچه: «ارزگان بازاری گه بارینگ و سوره‌نگ که اهالی‌دن قنچه فایزی قیزلر تعلیمی گه موافق دیر. بیزلر افغانی بیر جماعه‌ده حیات کیچیره‌میز. اوشبو اهالی نینگ فرهنگی بیزلر گه معلوم. سابق حکومت‌لر اولر گه توجه قیلمه‌دیلر که انه شوو سبب، عصیان و اعتراض بیلن روپه‌ره بولدیلر. تیزلیککه بیر شرایط یره‌تیش اوچون سعی و حرکت قیله‌میز که اعتراض گه سبب بولمه‌سین و شونینگدیک تعلیم هم دوام تاپسین.»
معارف وزیرلیگی سرپرستی اوتگن ۲۰ ییل نینگ تعلیم پروسه‌سیدن تنقید‌لب و ایتیشیچه، تعلیم بنیادی مملکت فرهنگی بیلن مطابقتی یوق، بیراق اسلامی امارت مملکت بویلب مدرن و دینی تعلیمی زمینه نی یره‌تگن دیر.
اونینگ کوپه‌یتیریشیچه، افغانستان داکتر و انجینیر گه نیازی بار، لیکن اسلامی روحیه بیلن مطابقت‌ده بولیشی کیره‌ک. اونگه کوره: «اوقیتووچیلر استخدام بولیب و تعلیمی نصاب نینگ تیارلنیب، اهالی ایشانچی گه مطابقتی بولگن بیر تعلیم نی ارایه قیلیشی‌میز ممکن.»
بیزلرنینگ فیسبوک صحیفه‌میزگه باش اورینگ!
جناب منیر نینگ ایتیشیچه، مکتب نینگ مدرسه گه و اوقیتووچی نینگ مولوی گه اوزگریشی نی ایستمه‌یمیز، بیراق اسلامی روحیه اهمیت‌لی دیر.
معارف وزیرلیگی سرپرستی نینگ کوپه‌یتیریشیچه، حاضر ایسه مملکت بویلب۲۰ مینگ موجود دیر که بو آره‌ده ۱۰ مینگ مکتب فعال، ۵ مینگ مکتب بنا‌سیز و ۵ مینگ مکتب ایسه اوروش‌لر جریانیده تخریب بولگن که اسلامی امارت اولر نینگ قیته توزه‌تیش گه بودجه‌سی یوق.