اسلامی امارت سوزلاوچیسی ذبیح‌الله مجاهد، بیر پیام آرقلی مطبوعات ایرکین‌لیک کونی نینگ بوتون مملکت رسانه‌لری گه تبریک‌لگن. مجاهد توییتر صحیفه‌سیده یازگن که، مملکت رسانه‌لری قانون_قاعده‌لر چارچوبه‌سیده ایرکین شکلده فعالیت قیله‌دی و شونینگدیک اسلامی امارت اولردن حمایت قیله‌دی.
اسلامی امارت سوزلاوچیسی مملکت‌ده رسانه‌لردن قطاری نینگ فعالیتی توخته‌گنی خصوصیده ایتگن که، آمریکا حربی‌لری نینگ چیقگنیدن کیین فعالیتی توخته‌گن رسانه‌لر نینگ سببی، اسلامی امارت ایمس؛ بلکیم مالی حمایه قیلووچیلر نینگ قولدن بیریش دیر. اونینگ بیان قیلیشیچه، ایلچی‌خانه‌لردن قطاری اوز مقصدلری اوچون مذکور رسانه‌لر نی مالی حمایه قیله‌ر ایدیلر.
بیزلرنینگ فیسبوک صحیفه‌میزگه باش اورینگ!
مجاهد نینگ ایشانچ بیریشیچه، اسلامی امارت امکانیتی قدر، رسانه‌لر نینگ اقتصادی قیین‌چیلیکلری نی حل قیلیش زمینه‌سیده اولر بیلن همکارلیک قیله‌دی.
شونینگدیک پیام‌ده اَیتیلیشیچه، حاضر اسلامی امارت نینگ قماق‌خانه‌سیده هیچ بیر خبرچی حبس گه ایمس. مجاهد نینگ ایتیشیچه، بعضی وقت خبرچیلر نینگ کلتک‌لش یا_ده قماققه سالیش مقصدیده ایمس، بلکیم ملاقات قیلیش اوچون بعضی اداره‌لر گه دعوت بوله‌دیلر.
اسلامی امارت سوزلاوچیسی نهادلردن قطاری نینگ خواطرلری نی «بی‌جا» دیب و کوپه‌یتریگن که، اسلامی امارت رسانه‌لردن قوللب_قوت‌لماققه دوام بیره‌دی.
شونده‌ی بیرحالده، افغانستان رسانه‌یی نهادلر و ژورنالیست‌لر فدراسیونی خبرچیلر برابریده‌گی زوروانلیکلر نینگ کوپه‌یگنیدن خواطر بیلدیرگن. مذکور نهاد نینگ ایتیشیچه، کونده خبرچیلر برابریده‌گی زوروانلیکلر نینگ کوپه‌یشی، افغانستان رسانه‌یی جماعه نینگ خواطری گه سبب بولگن.
بیزلرنینگ توییترده هم تعقیب قیلینگ!
اوشبو نهاد نینگ بیانیه‌سیده کیلگن که، اوتگن ۸ آی جریانیده، خبرچیلر بیلن صورت تاپگن ۱۵۰ گه یقین زوروانلیک قید ایتیلگن و اوتگن بیر ییل جریانیده ۳۰۰دن کوپ رسانه نینگ فعالیتی توخته‌گن که، افغانستان مطبوعاتی تاریخی‌ده اینگ یمان آمار نی کورسته‌دی.
شونینگدیک خلق‌ارا کیچیریم تشکیلاتی نینگ ایتیشیچه، افغانستانده خبرچی‌لیک تهدید آستیده قرار تاپگن و افغانستان ایرکین رسانه‌لری اسلامی امارت حاکمیتی‌ده نابود بولماقده دیر.
باشقه بیر تاماندن، چیگره بیلمس خبرچیلر تشکیلاتی نینگ اعلام قیلیش‌لریچه، ۲۰۲۲ رسانه‌لر ایرکین‌لیگی نینگ خلق‌ارا درجه‌بندلیگی‌ده، افغانستان ۳۴ رتبه سقوط قیلگن.
