عیال دین عالم‌لر و مدنی فعال‌لر بوگون کابل ده قوشمه بیر ییغین یولگه قوییش بیلن، عالم‌لر نینگ بویوک ییغینی گه عیاللر نینگ اشتراک قیلیشلری نی سوره‌گنلر.
مدنی فعال‌لردن قطاری نینگ ایتیش‌لریچه، کیله‌سی ییغین گه عیاللر نینگ اشتراک قیلیشلری اوچون شرایط یره‌تیلگن و اوشبو ییغینده یشاوچیلر نینگ ایسته‌کلری نی بیان قیلیشلری اوچون اولر گه رخصت بیریلیشی کیره‌ک.
بیزلرنینگ توییترده هم تعقیب قیلینگ!
مدنی فعال‌لردن بیری خدیجه ایوبی نینگ ایتیشیچه، عیاللر اوشبو ییغینده ۶-صنف‌دن یوقاری قیز اوقووچیلر مکتب‌لری نینگ آچیلیشی و عیاللر نینگ مدنی، سیاسی و اجتماعی بولیم‌لرده حضور تاپیش‌لری خصوصیده بحث و صحبت قیلیش نی ایسته‌یدیلر.
خانم ایوبی نینگ کوپه‌یتیریشیچه: «مذکور ییغینده اونملی ملی مسئله‌لر خصوصیده صحبت قیلینه‌دی که عیاللر نینگ اشتراک قیلیب و قرار‌لرده شامل بولیش‌لری کیره‌ک. اوشبو ییغین گه عیاللر اشتراک قیلمه‌گنلری صورت‌ده، افغانستان اهالی‌سی اینقسه عیاللر خصوصیده آلینه‌دیگن قرار‌لر عادلانه بولمه‌یدی.»
مدنی فعال‌لردن باشقه بیری ساره احمدی نینگ ایتیشیچه، کیله‌سی کون‌لرده عالم‌لر ییغینی نینگ یولگه قوییلیشی خصوصیده قرار آلینگنی بیرحالده، بیراق اسلامی امارت عیاللر نی اوشبو ییغین گه چقیرمه‌گن.
اونگه کوره، اسلامی امارت عیال‌لرنی قبول قیلمه‌‌یدی و مملکت‌ده قدرت نی آلگنیدن بویان سیاسی، اجتماعی و تعلیمی بولیم‌لرده عیاللر نینگ حذف قیلیش اوچون سعی و حرکت قیلماقده.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، دین عالم‌لردن بیری احمدضیاء اسلامی امارت‌دن جماعه نینگ یریم جمعیتی صفتیده اوشبو ییغین گه عیاللر نینگ اشتراک قیلیشلری اوچون رخصت بیریلیش نی ایسته‌گن.
کیله‌سی کون‌لرده کابل ده عالم‌لر نینگ بویوک ییغینی یولگه قویلیشی خصوصیده قرار آلینگنی بیرحالده، اوشبو بیانات مطرح بولگن. اسلامی امارت مسئوللری حاضرگچه اوشبو ییغین خصوصیده معلومات بیرمه‌گن.
