کابلدهگی قطار کلوب‌لر نینگ مسئوللری، افغانستان بویلب اسلامی امارت حاکم بولیشیدن کیین، اوشبو کلوب/باشگاه‌لر نینگ ایریم بولیم‌لریده عیاللر حضوری کمه‌یشیدن خبر بیره‌دیلر. کابلدهگی کلوب‌لردن بیری نینگ مسئولی پرویز یوسفی، کلوبلرده خاتین قیزلر حضوری کمه‌یش سببینی، اسلامی امارت تامانیدن چیکلاو یره‌تیلیشی عنوان قیله‌دیلر.
او سلام‌وطندار گه ایتیشیچه: «اوتمیش‌لرده عیاللر قورقمسدن سپورت بیلن شغللنر ایدیلر و تعدادلری کوپ ایدی؛ بیراق اسلامی امارت حاکمیتیدن کیین سان‌لرینی کمه‌یگن. حاضر قورقه‌دیلر و عیاللر گه یره‌تیلگن چیکلاو باعث کیلیب سپورت بیلن شغللنه آلمه‌یدیلر.»
بیزلرنینگ فیسبوک صحیفه‌میزگه باش اورینگ!
عین‌حالده، کابل شهریده‌گی کلوب‌لردن بیری نینگ مربی‌سی زرمینه عزیزی نینگ سلام‌وطندار گه ایتیشیچه، اسلامی امارت قیته‌دن قدرت‌نی قولگه آلیشی بیلن، خاتین قیزلر نینگ حضوری کمه‌یگن. اونینگ کوپه‌یتیریشیچه: «عیاللر گه چیکلاو یره‌تیلیشی باعث سپورت بیلن شغللنووچی عیاللر تعدادی کمه‌یگن. اوتمیش‌لرده عیال طلبه‌لر سانی ۸۰ کیشی‌گه ییتر ایدی؛ بیراق حاضر ۳۰ کیشی‌گه ییتمه‌یدی.»
باشقه تاماندن جمهوریت زمانیده مشق اوچون کلوبلرده باره‌دیگن ایکی سپورتچی عیال سحر و صدف نینگ ایتیشلریچه، اسلامی امارت حاکم بولیشی و عیاللرگه چیکلاو یره‌تیلیشی باعث، روحیه‌لرینی قولدن بیرگن‌لر و سپورت فعالیت‌لری گه دوام بیره آلمه‌یدیلر.
بوتوغریده سحر نینگ ایتیشیچه: «بیر آی‌دن کوپراق بوله‌دی که کلوب بارمه‌یمن؛ چونکه اسلامی امارت تامانیدن چیکلاو یره‌تیلگن، چیکلاو‌لر و یامان احوال‌لریمیزگه نسبتن، سپورتی فعالیت‌لریمیزگه دوام بیره آلمه‌یمیز.»
شونینگدیک بوتوغریده صدف نینگ ایتیشیچه: «حاضر کلوب بارمه‌یمن، احوال یخشی ایمس. اسلامی امارت قدرت‌نی قولگه آلیشی بیلن فکریمیز تینچ ایمس و تینچ فکر بیلن ورزش قیله آلمه‌یمیز.»
شو بیلن بیرگه، سپورت و بدن تربیه‌لش عمومی ریاست متصدی‌لری نینگ ایتیشلریچه، سپورت بولیمیده عیاللر نینگ حضوری اوچون هیچ قنده‌ی معما یوق و عیاللر اسلامی امارت تامانیدن یره‌تیلگن قانون_قاعده‌لرنی رعایت قیلیش بیلن، سپورتی فعالیت‌لری گه دوام بیره آله‌دیلر.
سپورت و بدن تربیه‌لش عمومی ریاستی نینگ مطبوعاتی بولیم مسئولی دادمحمد ناوک نینگ سلام‌وطندار گه ایتیشیچه، عام اهالی نینگ اویلش‌لری گه قرشی، افغانستان‌ده اسلامی امارت حاکمیتیدن کیین، سپورتی فعالیت‌لر توخته‌تیلمه‌گن؛ بلکه کوپراق بولگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «بیز اسلامی امارت بویوک‌لری نینگ قانونی‌گه عمل قیله‌میز و اولرسپورت بولیمیده چیکلاو یره‌تیلمسلیگینی ایتگنلر. سپورت بولیمیده چیکلاو یره‌تیلیش سوزلرنی بیز رد قیله‌میز. امر معروف وزیری المپیک کمیته‌سی‌گه تشریف بویریب و یوزلب سپورتچی بیلن اوچره‌شدی و شونینگدیک عیاللر هم سپورت بیلن شغللنیب و خاتین قیزلر اوچون سپورت محیطی ایجاد ایتیلیشینی ذکر قیلدی.»
گرچند اسلامی امارت یره‌تیلگن قانون_قاعده‌لر اساسیده خاتین قیزلر سپورت بولیمیده حضور تاپیش‌لرینی تأکید ایتسه‌لرده، بیراق شو بیلن هم سپورت حوزه‌سیده عیاللر نینگ فعالیتی و حضوری کونسه‌یین کمه‌یماقده دیر.