قیش‌دن کېین ایریملر چرچاق، حال‌سیزلیک و تیز-تیز کسللنیش کبی معمالر گه دوچ کېله‌دی. کوپینچه بونگه سبب صفتیده ویتامین یېتیشماوچیلیگی کورسه‌تیله‌دی و انسانلر داروخانه‌دن قۉشیمچه مخدره ماده خرید قیلیش گه شاشه‌دی. اما بونده‌ی قۉشیمچه ویتامین‌لر بهارده کوتیلگن نتیجه‌نی بیرمسلیگی ممکن. نیگه شونده‌ی؟ ایمن‌نی مستحکم‌لش اوچون فقط ویتامین‌لر یېترلیمی یا که باشقه عامللر هم بارمی؟
اوشبو مقاله‌ده ارگانیزم‌نینگ بهارده ضعیف‌لشیش سبب‌لری و ایمن‌نی مستحکم‌لش یوللرینی کوریب چیقه‌میز.
نیگه بهارده انسانلر تیز چرچه‌یدی؟
بهارده انسان ارگانیزمی قیش‌ده توپلنگن ذخیره‌لرنی استعمال قیلیب بوله‌دی و ینگی محیط گه ماسلشوو جریانی باشلنه‌دی. چرچاق‌نینگ باعثی فقط‌گینه ویتامین تنقیص‌لیگی‌ده بولمه‌ی، بونگه قوییده‌گی عامللر هم تأثیر قیله‌دی.
-قیش‌دن کېین تنه‌نینگ قیته تېکلنیشی؛
-کون وقتی‌نینگ اوزه‌یشی؛
-اتموسفیر باسیمی‌نینگ اۉزگریشی؛
-هورمون اوزگریش‌لری.
تنه ینگی لنه‌یاتگن طبیعت گه ماسلشیش اوچون کوپ انرژی صرفله‌یدی. بو نارمل حالت بولیب، معلوم مدت‌دن سۉنگ اۉز-اوزیدن اوتیب کېته‌دی.
بیزلرنینگ فیسبوک صحیفه‌میزگه باش اورینگ!
بهارده ویتامین‌لر یېتیشمسلیگی راست‌می؟
تدقیقات‌لر گه کوره، بوگونگی کونده حقیقی ویتامین کسللیگی گه اوچره‌یدیگن انسانلر کم‌دیر. عادتی ساغلام آوقت‌لنیش بیلن بیز ییترلی مقدارده ویتامین‌لرنی قبول قیله‌میز. حتا قیش‌ده یېتیشتیریلگن سبزه‌وات‌لر و میوه‌لر هم اۉزیده فایده‌لی ماده‌لرنینگ کوپلب قسمینی سقلب قاله‌دی.
قچان قۉشیمچه ویتامین‌لر قبول قیلیش کېره‌ک؟
-کوچلی پرهیز توتگن‌ده؛
-معلوم ویتامین و مینراللرنینگ تنقیص‌لیگی قان تحلیلی آرقه‌لی انیق‌لنگن‌ده؛
-حامله‌دارلیک دوری‌ده؛
-جدی کسللیک‌لرده.
ویتامین‌لردن هم فایده‌لی راق نرسه بارمی؟
قیمت‌بها مولتی ویتامین‌لر گه پول صرفلش‌دن اول قوییده‌گی عادی توصیه‌لر گه عمل قیلیش لازم.
ریجیملی اویقو: بیر وقت‌ده اوخلش و اویغانیش همده ۷-۸ ساعت دوامیده دم آلیش. عینن اویقو پیتیده ارگانیزم تیکلنه‌دی و ایمن مستحکم‌لنه‌دی.
حرکت‌چنلیک: دایم حرکت‌ده بولیش، سپورت بیلن شغللنیش، ایرته‌لبکی بدن تربیه‌نی کونده قیلمسلیک.
توغری آوقت‌لنیش: کونده‌لیک آوقت پروتین گه ایگه بولیشی، فایده‌لی ایلیمینت‌لر (عنصرلر) و تورلی محصولات‌لردن عبارت بولیشی مهم.
استرس‌نی کمه‌یتیریش: استرس عصبی‌لیک، توشکونلیک کبی‌لر ایمن‌نینگ اساسی دشمن‌لریدن دیر. بونده‌ی حالت‌لرده تینچ‌لنیش، دم آلیش یوللرینی تاپیشگه اورینیب کورینگ.
کوپراق سوو ایچینگ: سوو ارگانیزم اوچون ضرور بولیب، او تاکسین‌لرنی چیقریش گه یاردم بیره‌دی. کونیگه کمیده ۱.۵-۲ لیتر سوو ایچیش توصیه اېتیله‌دی. شونینگدیک، کوپراق قویاش‌ده سَیر قیلیش و D ویتامینینی قبول قیلیش هم ممکن.
بیزلرنینگ «ایکس» ترماغی ده هم تعقیب قیلینگ!
قچان شفاکار گه کورینیش کېره‌ک؟
قوییده‌گی‌لر کوزه‌تیلسه، شفاکار گه مراجعت قیلینگ:
-چرچاق و حال‌سیزلیک بیر آی‌دن آرتیق دوام اېتسه؛
-اویقو بیلن باغلیق معمالر پیدا بولسه؛
-اشتها یوقالسه؛
ساچ‌لر کوپ توکیلسه؛
-تیز-تیز کسل بولسنگیز.
شفاکار سیزگه قنده‌ی تورده‌گی قۉشیمچه‌لر کېره‌ک‌لیگینی انیقلش اوچون قان تحلیلی و باشقه انالیزلرنی بویره‌دی.
بهارده ایمن ضعیف‌لشیشی طبیعی جریان بولیب، فقط ویتامین‌لر قبول قیلیش بیلن مسئله حل بولمه‌یدی. توغری آوقت‌لنیش، ساغلام اویقو، جسمانی فعال‌لیک و استرس باشقریش ایمن‌نی مستحکم‌لش‌نینگ اساسی قسمی دیر. زیرا سلامت‌لیک‌نی سقلش اوچون کمپلکس یانده‌شوو مهم اهمیت گه اېگه.
