هرات‌ده شدتلی آتیشمه باشلنگنیدن ۱۱ کون اوتماقده، لیکن طالبان جنگریلری نینگ شهر اطرافی، انجیل و گذره تومن‌لری نینگ بیرقطار بولیم‌لریده حضوری بار. امنیتی و دفاعی کوچلر گذره و انجیل تومن‌لری نینگ قطار بولیم‌لرینی طالبان وجودیدن تازه‌لش‌گه موفق بولگنلر.
هرات ولایتی کینگش اعضالری، مردمی مقاومت حرکتی و اوشبو ولایت یشاوچی‌لری نینگ ایتیش‌لریچه، اوروش‌نی مدیریت قیلیش اوچون واحد رهبرلیک و ملی اردو کوچلری نینگ کوپراق سهیم بولمه‌یش‌لری باعث، تازه‌لش عملیات ایجابی نتیجه بیرمه‌یدی.
بیزلرنینگ فیسبوک صحیفه‌میزگه باش اورینگ!
هرات ولایتی کینگش عضوی غلام حبیب هاشمی نینگ سلام‌وطندارگه ایتیشیچه، اوروش ۲۰۷ ظفر قول اردو قومندالیگی تامانیدن رهبرلیک ایتیله‌دی، بیراق ملی اردو رسمی‌لری اوروش‌نی یخشی شکلده مدیریت قیله آلمه‌یدی.
ولایتی کینگش اوشبو عضوی نینگ کوپه‌یتیریشیچه، اوروش نینگ مدیریت قیلیش اوچون ۲۰۷ ظفر قول اردو قومندانلیگی نینگ مدیریت‌سیزلیگی سبب، طالبان گروهی ۱۷ تومن‌نی تصرف قیلیب و اوزلرینی شهر دروازه‌سیگه‌قدر ییتیشتیرگن.
مردمی مقاومت حرکتی عضوی جمال عبدالناصر حبیبی نینگ ایتیشیچه، دفاعی و امنیتی نهادلر آره‌سیده واحد رهبرلیک یوق و ۲۰۷ ظفر قول اردو قومندانلیگی، یشاوچی‌لر نینگ امیدلرینی برآورده قیله آلمه‌یدی.
اونینگ کوپه‌یتیریشیچه، اوروش بیرینچی خطی ده قرار تاپگن حربی‌لر یخشی شکلده اوریشه‌دیلر، بیراق قول اردو قومندانلیگی نینگ رهبرلیگی ضعیف عمل قیله‌دی.
مردمی مقاومت حرکتی نینگ اوشبو عضوی‌گه کوره، هرات اطرافی‌نی طالبان وجودیدن تازه‌لش اوچون امنیتی کوچلر آره‌سیده واحد بیر رهبرلیگ ایجاد ایتیلیشی کیره‌ک.
هرات‌ده کماندو لواسی قومندانی عبدالناصر علیزی نینگ ایتیشیچه، طالبان فرق‌لی کییم‌لردن فایده‌لنیش بیلن امنیتی کمربندلردن اوتیب و هرات شهری نینگ اطراف‌لریگه جای‌لشگنلر.
بیراق، هرات حاکمی سوزلاوچیسی جیلانی فرهاد نینگ ایتیشیچه، امنیتی و دفاعی کوچلر آره‌سیده هماهنگلیک موجود دیر و عملیات‌لر قوشمه شکلده ایلگری کیته‌دی.
اونینگ کوپه‌یتیریشیچه، طالبان جنگریلرینی مسکونی اوی‌لرگه جایلشگنی باعث، تازه‌لش عملیات کندلیک بیلن ایلگری کیته‌دی.
بیزلرنینگ فیسبوک صحیفه‌میزگه باش اورینگ!
۲۰۷ ظفر قول اردو قومندالیگی بو توغریده هیچ‌بیر نرسه دیمه‌گن.
عین‌حالده، هرات ولایتیدن ایشانچلی محلی بیر منبع نینگ سلام‌وطندارگه ایتیشیچه، هرات وضعیتی نینگ مدیریتی مرکزی حکومت تامانیدن ایچکی ایش‌لر وزیرلیگی نینگ ییریک امنیتی اورین باسری و ۲۰۷ ظفر قول اردو قومندالیگی‌گه تاپشیریلگن.
