ایران جمهور باشلیغی مسعود پزشکیان، بو مملکت بیلن امریکا و اسرائیل اورتهسیده اوروش ۱۵ کونگه کیرگچ، بوزیلگن نرسهلر و جایلرنی زمانهوی قیلیب قوریشلرینی بیلدیردی.
پزشکیان بوگون (۲۳ حوت/۱۴ مارچ، شنبه) ایکس صحیفهسیده، امریکا و اسرائیلنینگ ایران گه ظلم و شفقتسیز هجومیدن ۱۵ کون اوتگن بولسه-ده، بیراق ایریم بولیملرده تاپیلگن قیینچیلیکلرگه قرهمسدن بو مملکت خلقی گه تنفسسیز خذمت کورستیلهیاتگنینی معلوم قیلدی.
اونگه کوره، ایران بیلن امریکا و اسرائیل اورتهسیده اوروشدن ۱۵ کون اوتگن بولسه-ده، ترانسپورت، علاقه و باشقه ساحهلرده دولت خادملرینینگ سعی-حرکتی نتیجهسیده یشاوچیلر گه خذمت کورسهتیشده جدی قیینچیلیک تاپیلمهگن.
ایران جمهور باشلیغی شونینگدیک، بو مملکت خلقی گه مراجعت قیلیب بو شرایطنی بیرگهلیکده اوتکزیشلری و بوزیلگن نرسهلر و جایلرنی آلدینگه نسبتن یخشی و زمانهوی شکلده قوریشلرینی بیلدیرگن.
