جوزجان ولایتی بوییچه عیاللر ریاستی مسووللری نینگ ایتیش‌لریچه، طالبان نظارتیده بولگن منطقه‌لرده عیاللرگه قرشی زوروانلیکلر کوپه‌یگن.
عیاللر ریاستی نینگ اجتماعی خذمت‌لر و هماهنگ‌لیک بولیمی آمری وحیده فیض نینگ ایتیشیچه، طالبان حاکم بولگن منطقه‌لرده عیاللرگه قرشی زوروانلیکلر میزانی یوقاری کیتگن.
خانم فیض نینگ طالبان حاکمیتیده بولگن منطقه‌لرده عیاللر وضعیتی‌دن خواطر بیلدیریب ایتیشیچه، صحرایی محکمه، کلتکلش و زوردن تورموش‌گه چیقاریش طالبان نظارتیده کوپه‌یگن مواردلردن دیر.
شونینگدیک، جوزجان ولایتی بوییچه انسان حقوقی ایرکین کمیسیونی مسووللری هم طالبان نظارتیده بولگن منطقه‌لر وضعیت‌دن خواطر بیلدیرگنلر.
جوزجان ولایتی بوییچه انسان حقوقی ایرکین کمیسیونی ولایتی مسوولی مغفرت صمیمی نینگ ایتیشیچه، طالبان نظارتیده عیاللر وضعیتی خواطر لنترووچی دیر و طالبان گروهی عیاللرگه قرشی چیکلاو یره‌تیش بیلن صحرایی محکمه سانی کوپهیتیرگن.
عین‌حالده، جوزجان‌لیک بیرقطار عیال‌لرنینگ طالبان حاکمیتیده وضعیت یمان بولگنیدن خواطر بیلدیریب ایتیش‌لریچه، مذکور منطقه‌لرنی طالبان وجودیدن تازهلش اوچون حربی عملیات یولگه قوییلیشی کیره‌ک.
طالبان گروهی حاضرگه‌قدر بوتوغریده فکر بیلدیرمه‌گن.
