میدانوردک یشاوچیلریدن قطاری نینگ سلام‌وطندار گه ایتیش‌لریچه، اوشبو ولایت مرکزی میدان‌شهر و نرخ، جلریز، سید‌آباد، چک و بهسود تومن‌لریده‌گی تاریخی منطقه‌لر نابود بولیش خطری بیلن روپه‌ره دیر.
اولرنینگ کوپه‌یتیریش‌لریچه، مذکور منطقهلردن بیر قطاری اوروش‌لر و بیر قطاری ایسه اهالی تامانیدن زیان ییتیشگنی سبب، نابود بولماقده دیر.
بیزلرنینگ فیسبوک صحیفه‌میزگه باش اورینگ!
میدانوردک یشاوچیلری معلومات و مدنیت وزیرلیگی‌دن قیته توزه‌تیش، حفاظت قیلیش و تاریخی منطقه‌لر نینگ غصب بولیشی‌دن توسیق بولیش اوچون طرح اوستیگه ایشله‌یشلری نی سوره‌گنلر.
میدانوردک یشاوچیلریدن محمد‌الله دانش نینگ ایتیشیچه: «میدانوردک شهریده کوپینچه تاریخی منطقه و تاریخی اثرلر بار که اولردن بیر قطاری اوتگن اوروش‌لر جریانیده اورته‌دن کیتگن. دولت اوشبو تاریخی منطقه‌لر گه جدی توجه قیلیب و قیته توزه‌تیشی کیره‌ک. مذکور تاریخی منطقهلردن بیری ییر آستی شارالغتا دیر.»
میدانوردک یشاوچیلریدن باشقه بیری زین‌الله زرین نینگ ایتیشیچه: «میدانوردک تاریخی بیر ولایت دیر که یوز ییل‌لیک تاریخ گه ایگه دیر. نرخ‌ده الغتا شهرچه‌سی و دایمیرداد تومنی نینگ کافر قلعه‌سی کبی تاریخی ییرلر اورته‌دن کیتیش خطری گه روپه‌ره دیر. حکومت و یونسکو اوشبو تاریخی منطقه‌لر نی قیته توزه‌تیشی کیره‌ک.»
اولر گه کوره، الغتا ییر آستی شهرچه‌سیدن حفاظت بولمه‌گنی صورت‌ده، اورته‌دن کیتیب و اهالی تامانیدن غصب بولیشی ممکن.
بیزلرنینگ توییترده هم تعقیب قیلینگ!
شونینگدیک میدانوردک معلومات و مدنیت ریاست رئیسی صفی‌الله رائد، اوشبو ولایت‌ده‌گی تاریخی منطقه‌لر نینگ نابود بولیش خطری نی قبول قیلیب بیراق ایتیشیچه، مذکور منطقه‌لر نینگ قیته توزه‌تیلیشی اوچون سعی و حرکت باشلنگن دیر.
اونینگ کوپه‌یتیریشیچه: «معلومات و مدنیت وزیرلیگی میدانوردک ولایتی‌ده تاریخی ۷۶ تاریخی منطقه‌نی قید قیلگن دیر. تاریخی منطقهلردن کوپینچه‌سی اورته‌دن کیتیب و قیته توزه‌تیلیش گه نیازی بار. شونینگدیک الغتا ییر آستی شهرچه‌سی حفاظت گه نیازی بار.»
ایتیش کیره‌ک که، شونینگدیک بوندن آلدین هم مملکت‌ده‌گی تاریخی اثرلر و آبده‌لردن قطاری نینگ تخریب و نابود بولیشی خصوصیده خواطرلر بیان بولگن ایدی.