افغانستان ملی خوفسیزلیک کینگشی مصلحتچی‌سی حمدالله محب نینگ ایتیشیچه، افغانستانده تینچلیک خصوصیده بولگن سعی و حرکت‌لر و طالبان‌گه قرشی تحریم‌لر کوچلی ایتیلیشی اوچون کلیدی متحدلر و بیرلشگن ملتلر تشکیلاتی نینگ خوفسیزلیک کینگشی اعضالری بیلن ایش‌له‌یدی.
ملی خوفسیزلیک کینگشی مصلحتچی‌سی اوشبو صحبت‌لرنی بیرلشگن ملتلر تشکیلاتی نینگ طالبان‌گه قرشی تحریم‌لردن نظارت قیلووچی کمیته‌سی ییغینیده مطرح قیلگن.
جناب محب نینگ ایتیشیچه، طالبان گروهی حکومت و جماعه‌گه قرشی زوروانلیک‌نی کوپه‌یتیرگن و مذاکره قیلیش اورنیده تشقی سفرلر بیلن مصروف دیر.
حمدالله محب نینگ کوپه‌یتیریشیچه، طالبان گروهی وعده‌لریگه عمل قیلمه‌گن و اوروش‌گه یوز کیلتیرگن و بونده‌ی وضعیتده بیرلشگن ملتلر تشکیلاتی نینگ خوفسیزلیک کینگشی تامانیدن قوییلگن تحریم‌لر اونملی دیر.
مملکت جمهور رئیس محمداشرف غنی هم بیرلشگن ملتلر تشکیلاتی نینگ خوفسیزلیک کینگشیده افغانستان تینچلیک جریانی خصوصیده یولگه قوییلگن ییغینده تینچلیک سوزلشوولر کامیاب‌لیگی اوچون طالبان‌گه قرشی تحریم‌لرنی اونملی عنوان قیلگن ایدی.
بیرلشگن ملتلر تشکیلاتی و اوشبو نهاد بیرقطار اعضالری نیچه مدتدن بویان طالبان رهبرلریگه قرشی تحریم‌لرنی وضع قیلگن. آمریکا و طالبان آره‌سیده امضا ایتیلگن شرط نامه‌ده طالبان گروهی اوشبو تحریم‌لرنینگ کوتاریلیشی نی ایسته‌گن.