آمریکا جمهور باشلیغی جوبایدن جمعه کونی ۱۸ مارچ چین رهبری شی جین‌پینگ گه، اگر بیجینگ روسیه نینگ اوکراین گه هجومی‌دن مالیه‌وی حمایت قیلسه، یامان عاقبت‌لر گه روپه‌رو بولیشیدن آگاه لنتیردی. بو عین‌حالده ایکی تامان دیپلماتیک یول بیلن موجود بحران حل ایتیلیشی اوستیگه تأکید ایتدیلر.
عین‌حالده آق‌سرای «تحریم‌لر» عاقبتی و مالیه‌وی حمایت‌لر خصوصیده معلومات کیریتمه‌گن. شو بیلن بیرگه، آق‌سرای سوزلاوچیسی جن ساکی نینگ ایتیشیچه، چین تحریم بولگن صورتده، کینگ کولملی تجارتی تاثیرلنیشی ممکن.
خبری ییغینده جن ساکی‌دن، دنیا نینگ اینگ ییریک صادر ایتووچی مملکت یعنی چین، تحریم یا تعرفه گه روپه‌رو بولیشی ممکن می دیب سوره‌لگن سوراققه جواب اییتشیچه: «البته تحریم اسباب جعبه‌سی نینگ ایچکی ابزارلریدن بیری دیر.»
بیزلرنینگ فیسبوک صحیفه‌میزگه باش اورینگ!
خانم ساکی، جوبایدن و شی جین‌پینگ نینگ ایکی ساعت ویدیو مذاکره‌لریدن کیین ایتیشیچه، آمریکا قوشمه ایالت‌لری بیجینگ بیلن هر قنده‌ی مستقیم مناسبت‌لر خصوصیده اروپا شیریک‌لری و همکارلری بیلن صحبت قیله‌دی.
بایدن، موجود قیین شرایط‌ده دنیا نینگ ایکی بویوک قدرتی آره‌سیده‌گی اوشبو ویدیو مذاکره‌ده، روسیه نینگ اوکراین گه باستیریب کیریشی حقیده، آمریکا و متحدلری نینگ سعی-تلاش‌لری باره‌سیده معلومات بیردی.
آق‌سرای بیر بیانیه ترقه‌تیش بیلن ایتیشیچه: «بایدن قیینچیلیکلر سیاسی یول بیلن حل ایتیلیشی و چین روسیه‌دن مالیه‌وی حمایت قیلگن تقدیرده، یامان عاقبت‌لر گه روپه‌رو بولیشی خصوصیده تأکید ایتگن.»
آمریکالیک یوقاری مرتبه‌لی بیر رسمی تیلیفون آرقه‌لی خبرچی‌لر بیلن صحبت اوتکزیب، بو یامان عاقبت‌لر نه فقط آمریکا؛ بلکه دنیا تامانیدن بیجینگ گه عملی بولیشینی ایتگن دیدی جناب بایدن.
اونگه کوره: «حقیقتده جمهوررئیس چین باره‌سیده انیق تکلیف‌لرنی آچیقلمه‌دی. چین اوز قرارینی آلیشیگه ایشانه‌من.»
چین نینگ مذاکره‌گه اینتیلیشی
چین تشقی ایشلر وزیرلیگی نینگ ایتیشیچه، شی جین‌پینگ بایدن گه اوکراین اوروشی تیزلیک بیلن یکون تاپیب و ناتو گه اعضا مملکت‌لردن مسکو بیلن مذاکره قیلیش لرینی سوره‌گن. شو بیلن بیرگه، او روسیه‌نی اوکراین گه هجوم قیلیشی اوچون ملامت قیلمه‌دی.
شی نینگ ایتیشیچه: «بیرینچیدن مذاکره‌لر دوام تاپیشی، تینچ اهالی تلفاتی و انسانی بحران آلدی آلینیشی، روسیه و اوکراین نینگ امنیتی مسئله‌لری حل ایتیلیشی مهم دیر.»
بیزلرنینگ توییترده هم تعقیب قیلینگ!
شی روسیه و اوکراین ارا مذاکره‌لردن حمایت بیلدیریب، ناتو و واشنگتن اوکراین نینگ بحرانی، روسیه و اوکراین نینگ امنیت خصوصیده تشویش‌لری حل ایتیلیشی اوچون مسکو بیلن صحبت قیلیش‌لرینی تکلیف قیلگن. چین‌لیک میدیالر اوشبو مملکت جمهور باشلیغی قولیدن یازیشیچه: «اوکراین بحرانی کوریله‌دیگن بحران ایمس دیر.»
چین تشقی ایشلر وزیرلیگی مذکور مملکت رهبری سوزلرینی نقل قول قیلگن: «کینگ قمراولی تحریم‌لر یالغیز اهالی گه نقصان ییتکیزه‌دی و آغیرلشتیریلگن تقدیرده، مالی، برق، آزیق-آوقات و صنعت، جدی بحران‌لرنی دنیا اقتصادی و تجارتی اوستیگه تحمیل قیلیب، دنیا نینگ تنزل گه یوز توتگن اقتصادینی فلج و کوتیلمس نقصان‌لر گه سبب بولیشی ممکن.»
آمریکا تشقی ایشلر وزیری آنتونی بلینکن، پنج‌شنبه کونی ایتیشیچه، بایدن اداره‌سی، چین اوکراین اوروشی‌ده حربی جهازلرینی استفاده قیلیش اوچون روسیه‌دن مستقیم حمایت ایتیشیدن تشویش‌ده دیر، لیکن چین بو ادعالرنی رد قیلگن.
روسیه نینگ اوکراین گه باستیریب کیریشیدن تورت هفته اوتماقده، اوشبو هجوم‌لر نتیجه‌سیده یوزلرچه تینچ اهالی هلاک ایتیلگن، شهری منطقه‌لر ویرانه گه اوزگرگن و میلیون‌لرچه فقرا نینگ قاچیشی انسانی بحران گه سبب بولگن.
آمریکا قوشمه ایالت‌لر و چین نینگ تارتیشووی
اوکراین مسئله‌سی آمریکا و چین نینگ مناسبت‌لرینی ساووق لشتیرگن. بایدن چین بیلن ینگی ساووق اوروش‌دن باش تارتیش گه اینتیلماقده. او اوشبو مناسبت‌نی رقابتی رابطه اوله‌راق تعریف قیلیشنی ایسته‌یدی، لیکن اوتگن آی اعلام بولگن راهبردلیک رابطه و روسیه بیلن چین نینگ مناسبتی، اوکراین برابری‌ده چین موضعینی قیینچیلیککه دوچ قیلگن.
آخرگی تماس‌دن آلدین چین نینگ ناو اوچاقی جمعه کونی تایوان نینگ حساس تنگه‌سیدن اوتدی و هدایت بیلووچی ناوشکن موشکی ناوشکن یو‌اس‌اس رالف جانسون، اوشبو ناو نینگ حرکت یولی بیر بولیمینی تحت‌الشعاع قرار بیریش گه قادر بولدی.
چین تایوان‌نی توپراغی بیر بولیمی بیله‌دی. شونی اوچون حربی فعالیت‌لرینی مذکور جزیره نینگ یقینیده کوچه‌یتیرگن و بو مسئله واشنگتن و تایپه تشویشی گه سبب بولگن که چین روسیه‌دن اورنک آلیب تایوان گه قرشی حربی کوچ‌دن فایده‌لنیشی ممکن.
چین روسیه نینگ اوکراین گه باستیریب کیریشینی محکوم قیلمه‌ی و اونی هجوم ایمس دیگن. عین‌حالده، اوکراین حاکمیتینی رسمیت گه تانیشینی بیلدیرگن، بیراق نیچه مراتبه روسیه امنیتی لحاظ‌دن تشویش‌ده ایکنینی و بو قیینچیلیکلر سیاسی یول بیلن حل ایتیلیشینی تأکیدله‌گن.
عین‌حالده، بایدن اداره‌سی، چین روسیه نینگ اوکراین گه باستیریب کیریشیدن حمایت قیلگن صورتده، آمریکا درحال تحریم‌لرنی عملگه آشیریشیدن آگاه‌لنتیرگن. شو بیلن بیرگه، آمریکا و متحدلری بو توغریده حاضرگچه انیق قرارگه کیلیشمه‌گن.
روسیه گه قرشی عملگه آشیریلگن تحریم‌لر بیجینگ گه قرشی عملی بولیشی، آمریکا و دنیا اوچون یامان عاقبتی بولیشی ممکن؛ چونکه چین، دنیا اقتصادی و دنیا بویلب اینگ بویوک صادر ایتووچی مملکت دیر.