بیرقطار ایچکی و تشقی رسانه‌لرنینگ گزارش بیریشلریچه، آمریکا کنگره‌سی اوشبو مملکت تشقی ایشلر وزیری و باشقه بیر قطار مقاملری حضوریده افغانستانده اوتمیشلرده نیمه‌لر بولیب اوتگنی و کیله‌جکده نیمه‌لر یوز بیریشی خصوصیده صحبت قیلیشلری ممکن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان طارق فرهادی نینگ ایتیشیچه، مذکور ییغین امریکا کنگره‌سی دموکرات اعضالری ایسته‌گی بیلن یولگه قوییله‌دی.
اونینگ ایتیشیچه، مذکور کنگره اعضالری امریکا تشقی ایشلر وزیرلیگی افغانستانده اوتگن ۱۰ آیدن بویان یوز بیرگن واقعه‌لرنی اولربیلن اورته‌گه قویمسلیکلریدن ناراحت دیرلر اولر اوتگن اون آیدن بویان افغانستانده بولیب اوتگن واقعه‌لردن خبرسیزدیرلر.
اونینگ کوپه‌یتیریشیچه، آمریکا کنگره‌سی اعضالری اوشبو مملکت تشقی ایشلر وزیریدن افغانستان کیله‌جگی خصوصیده بولگن لایحه‌سینی اولر بیلن اورته‌گه قوییشینی سوره‌شلری ممکن.
سیاسی ایش بیلرمانلدن باشقه بیری نصرت‌الله حقپال نینگ ایتیشیچه، امریکالیک تورلی سیاستچیلر و سیاسی مرکزلری نینگ فکری ملاحظه‌لرینی نطرده توتگنده، اسلامی امارت بیلن امریکا نینگ تعاملی تیکشیریله‌دی و امریکا منافع‌سی شونده‌ی ایجاب قیله‌دی.
اونینگ کوپه‌یتیریشیچه، مذکور ییغینده امریکا مقاملریگه اسلامی امارت بیلن تعامل قیلیشی خصویده مصلحت بیریشلری ممکن.
عین‌حالده، سیاسی ایش بیلرمانلردن باشقه بیری خپواک زازی نینگ ایتیشیچه، امریکا اسلامی امارت بیلن تعامل قیلمه‌یدی و عکسینچه، اسلامی امارت‌گه قرشی باسیم و تحریم‌لرنی کوپه‌یتیریشی ممکن.
اونینگ کوپه‌یتیریشیچه، امریکا کنگره‌سی تامانیدن یولگه قوییله‌یاتگن ییغینده، افغانستانده حربی یاردم بیریلیشی اوچون امید یوق و امریکا بیرلشگن ملت‌لر تشکیلاتیده بیر رویخط ارایه قیلگن مذکور رویخط اساسیده، اسلامی امارت بیرقطار مقاملری نینگ تشقی مملکتلرگه سفر قیلیشلری خصوصیده چیکلاو یره‌تیلیشی ممکن.
اونینگ ایتیشیچه، اسلامی امارت دنیا جماعه‌سی ایستکلرینی اولویت گه قرار بیریب قیته‌دن تیکشیریشی و یا هم اونگه بدیل تپیشی کیره‌ک.
بیزلرنینگ توییترده هم تعقیب قیلینگ!
امریکا کنگره‌سی تامانیدن افغانستان خصوصیده ییعین اوتکزیلیشی توغریسیده‌گی خبر شونده‌ی بیرحالده، مطرح قیلینگن دیر که امریکالیک بیرقطار سیاستچیلر افغانستان حکومت بیلن تعامل قیلینیش خصوصیده صحبت قیلگن ایدیلر.