اسلامی امارت نینگ قدرت گه ایریشگنی‌دن کیین، یشاوچیلر نینگ نشانلگن بیرینچی بیره‌می ایدی، بیراق ولایت‌لردن قطاریده هییت بیره‌می نینگ نشانلنیشی سابق بیره‌ملر کبی ایمس ایدی و اهالی نینگ بیره‌م اوچون تیارگرلیگی کمه‌یگن ایدی.
شونینگدیک ارزگان ولایتی‌ده گرچند یشاوچیلر رمضان هییت بیره‌می اوچون تیارگرلیک آلگن ایدیلر، لیکن اسلامی امارت تامانیدن یره‌تیلگن چیکلاولر باعث، اوتمیش ییلر کبی نشانلنمه‌گن.
بیزلرنینگ فیسبوک صحیفه‌میزگه باش اورینگ!
ارزگان مرکزی ترینکوت شهریده «غازی امان‌الله خان» تور یولیده هر ییل یشاوچیلردن مینگلرچه‌سی موسیقه برنامه‌لر، «یومورته اوروش» و محلی اویین یولگه قویه‌ر ایدیلر، بیراق بو ییل ایسه اسلامی امارت مسئوللری تامانیدن اهالی گه یره‌تیلگن چیکلاو باعث، موسیقه برنامه‌لری نینگ یولگه قویلیشی و یومورته اوروش اویینی گه رخصت بیریلمه‌گن.
ترینکوت یشاوچیلریدن بیری محمد سلام نینگ سلام‌وطندار گه ایتیشیچه، اوتمیش ییلرده شهرده یومورته اوروش، موسیقه و اتن یولگه قوییله‌ر ایدی و اهالی خورسندلیک بیلن هییت بیره‌می نینگ کیلیشی اوچون تیارگرلیک آله‌ر ایدی، لیکن بو ییل بو خورسندلیک کمه‌یگن و یره‌‌تیلگن‌چیکلاولر سبب، بیره‌م اوتمیش کبی ایمس.
شونینگدیک ارزگان یشاوچیلریدن قطاری محمد سلام نینگ سوزلری کبی سوزلر نی بیان قیلیب بیراق کوپه‌یتیرگنلر که، بو ییل بیره‌م‌ده اوروش یوقلیگی و امنیتی تدبیرلر نینگ یخشی شکلده آلینگنی باعث، خورسندلر.
بیزلرنینگ توییترده هم تعقیب قیلینگ!
ارزگان یشاوچیلریدن باشقه بیری حکمت‌الله نینگ ایتیشیچه: «اوروش بولمه‌گن بو بیرینچی بیره‌م دیر، کوپ خورسند‌میز، بیراق سابق بیره‌ملر کبی نشانلش اوچون رخصت بیرگنلری بیرحالده، کوپ یخشی بوله‌ر ایدی؛ لیکن حاضر ایسه اوتمیش کبی لذت‌لی ایمس.»
شونده‌ی بیرحالده، ارزگان امنیه قومندانی ملا بشیر، اسلام اساسیده یومورته اوروش نی ناروا دیب و ایتیشیچه، یشاوچیلر بو اویین نی اویینمه‌سینلر. اونینگ اورغولشیچه، اهالی یومورته ساتیب_آلیش قیله آله‌دیلر؛ بیراق یومورته بیلن اوروشماققه اجازه‌لری یوق.