افغانستان ده بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف) باشلیغی تاجالدین اویوالهنینگ ایتیشیچه، قشاقلیک، اوروشلر، اقلیم اوزگریشلری و مهم خذمتلر اوچون بودجهنینگ جدی شکلده کمهیشی، بالهلردن کیلهجکلرینی آلهدی.
اویواله، بوگون (۲۹-عقرب، پنجشنبه)، اکس صحیفهسیده یازیشیچه، بالهلر حقوقی یالغیز بیر شعار ایمس؛ بلکیم اقداملر و سرمایه یاتقیزیلیش آرقهلی سقلهنیشی کیرهک بولگن تیریک بیر سوز دیر.
افغانستان ده بالهلر تعلیم، ساغلیق و اقتصادی بولیملرده قیینچیلیکلر بیلن روپهره بولگنی بیرحالده، خلقارا بالهلر کونیدن نشانلنماقده.
خلقارا بالهلر کونی، هر ییلی ۲۰-نوامبرده نشانلنهدی و اوندن مقصد، دنیا بویلب بالهلر حقوقی رواجلنیشی، یاش نسللرنینگ ترقیاتی آشیشی و بیردملیگی دیر. بو کون ۱۹۵۴-ییلده بیرلشگن ملتلر تشکیلاتی عمومی مجمعسی آرقهلی تکلیف بولدی. یونیسف و خلقارا تشکیلاتلر بو مناسبت اوچون دولت و اهالیدن، بالهلر حقوقیدن حمایت قیلیش و اولرگه تینچ و ساغلام کیلهجکنی تضمین قیلیش مقصد، اقدام قیلیشلرینی ایستهگنلر.
