بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، افغانستان ده عیاللر وضعیتی نی خواطرلنتیرووچی عنوان قیلگن.
یونیسف، اوتگن کون (چهارشنبه، ۲۵_اسد)، «افغانستان ده جنسیت تینگلیگی و قیزلر نینگ تحصیلی اوچون کوره‌شیش»، اسمی آستیده بیر گزارش ترقه‌تیش بیلن، افغانستان خاتین_قیزلری نینگ روحی وضعیتی خصوصیده خواطر بیلدیرگن.
بیزلرنینگ توییترده هم تعقیب قیلینگ!
یونیسف نینگ امریکا بولیمی مسئوللری، افغانستان نینگ ربات یسه‌یدیگن قیزلر جماعه‌سی مربی‌سی بیلن صحبت قیلیش‌دن کیین، ۲۰۲۱_ییل‌دن بویان عیاللر برابریده چیکلاولر نینگ کوپه‌یشی بیلن، اولر آره‌سیده روحی قیینچیلیکلر نینگ کوپه‌یگنی نی بیان قیلگن.
یونیسف گزارشی نینگ بیر بولیمی‌ده کیلیشیچه: « افغانستان ده قیزلر قیین احوال ده قالگن. روحی کسل‌لیک‌لر کوپه‌یگن و افغانستان‌لیک قیزلر و عیاللر آره‌سیده، اوزی نی اولدیریش میزانی کوپه‌یگن.»
شونده‌ی بیرحالده، مملکت‌ده روحی قیینچیلیکلر بیلن روپه‌ره بولگن قیزلردن قطاری نینگ سلام‌وطندار گه ایتیشلریچه، حیات اولر اوچون معناسیز بولگن و روحی قیینچیلیکلر سبب، ییل‌لر‌دن بیری یاش یشه‌ب قریگنلیکلری نی حس قیله‌دیلر.
قریب بیر ییل‌دن بیری ایش و بیلیم یورت گه کیتیشدن محروم بولگن قیزلردن بیری راحیل نینگ ایتیشیچه، اویی نینگ تورت دیواری آستیده حبس بولیب و هیچ برنامه‌سی یوق دیر.
اونینگ کوپه‌یتیریشیچه، امید‌سیزلیک و برنامه‌سیزلیک، اونینگ ناتوغری رفتار قیلیشی گه سبب بولیب و حتا، عایله اعضاسی اونینگ رفتاری‌دن زیریککنلر.
راحیل گه کوره: «مینی اوچون برچه نرسه ناحق بولگن، حیات مینی اوچون معناسیز بولگن. حیات کوپ قیین اوته‌دی، توی و تشقری گه کیتیشدن خوشیم کیلمه‌یدی. بیر نرسه بار ایدی که اونی اوچون سعی و حرکت قیلیدیم و آرزولریم ایدی، بیراق حاضر ایسه حیات ناحق و بوش دیر.»
راحیل نینگ کوپه‌یتیریشیچه، شونینگدیک دوست‌لریدن کوپینچه‌سی، روحی قیینچیلیکلر، برنامه‌سیزلیک و نابیللی کیله‌جک سبب، توی قیلیش گه مجبور بولگنلر.
شونینگدیک سابق دولت‌ده ایش قیله‌دیگن و حقوق فعال‌لریدن بولگن ثریا روحی نینگ ایتیشیچه، ایش‌سیز بولگنی سبب، روحی قیینچیلیکلر اونی قریتگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ایکی ییل مینی اوچون اینگ قیین کون‌لریم ایدی. میلاد‌دن آلدینگی ییل گه بارگنیمیزده‌ک، قیزلر نینگ بیر عایله‌ده دنیا گه کیلیشی بیر شرم بولیب و اونینگ تیریک گور گه قویه‌ر ایدیلر. بیزلر نی هیچ کیم قبول قیلمه‌یدی.»
خاتین_قیزلر نینگ تعلیمی و ایشی خصوصیده چیکلاولر یره‌تیلگنی‌دن کیین، اولردن قطاری نینگ روحی قیینچیلیکلر گه چلینگنی بیرحالده، یونیسف افغانستان ده عیاللر وضعیتی نی خواطرلنتیرووچی عنوان قیلگن.