بیرلشگن ملت تشکیلاتی باله‌لردن حمایت قیلووچی صندیغی (یونیسف) گه کوره، افغانستان شامل آسیا جنوبی ده هوا ایسیقلیگی باعث کوپ سانده باله‌لر تأثیرلنگن.
یونیسف، دوشنبه کونی،۱۶ اسد، اوز تویتری ده، افعانستان شامل آسیا جنوبی ده ۷۶ فایز باله‌لر یعنی ۴۶۰ میلیون باله، هوا ایسیقلیگی باعث کوپ تأثیرلنگنینی یازگن.
بیزلرنینگ فیسبوک صحیفه‌میزگه باش اورینگ!
یونیسف (CCRI) نینگ ۲۰۲۱-ییل آب‌وهوا خطری شاخصی اساسیده، افغانستان، بنگلادیش، هندوستان، مالدیف و پاکستان ده کوپ سانده باله‌لر، اقلیم اوزگریشی دن تأثیرلنگن.
یونیسف نینگ ایتیشیچه: «اولکه‌لر اقلیم اوزگریشی اوچون تیارگرلیک کورماقده ایکن، رهبرلردن باله‌لر نینگ محافظتی و کیله‌جک‌لری اوچون اقلیمی چاره تدبیریش کوریش‌لرینی ایسته‌یمیز.»
یونیسف نینگ گزارشی اساسیده، آسیا جنوبی ده هر تورت باله دن اوچ باله هوا ایسیق‌لیگیدن تأثیرلنگن، عین‌حالده دنیا بویلب هر اوچ باله‌دن بیر باله بو وضعیت گه دوچ بوله‌دی.
بیزلرنینگ توییترده هم تعقیب قیلینگ!
عین‌حالده، سونگی هفته‌لرده مملکت ده هوا ایسیقلیگی مثلی کوریلمه‌گن درجه ده آشگن و حتا بیرقطار ولایت‌لرده هوا درجه‌سی ۴۵ درجه سانتی گراد گه ییتیشگن.
کوپینچه ولایت لرده هوا ایسیشی بیلن، تورلی ولایت لرده بیر قطار مکتب‌لر نینگ اوقووچیلری ساووتوچی امکانیت‌لری یوق‌لیگی سبب، هرکونی صنف‌لرده بورین‌لری قانب، هوش‌سیز یا که باشقه ساغلیک قیینچیلیک بیلن روپه‌ره بوله‌دیلر.
بوندن آلدین، کابل، هرات، بلخ و جوزجان ولایت‌لریده باشلنغیچ و اورته مکتب اوقووچیلری، مکتب‌لر تعطیل بولیشینی ایسته‌گنلر ایدیلر.
