نبیره‌سی نی صحت طفل کسل‌خانه‌سیگه دوالنیش اوچون آلیب بارگن لوگر یشاوچیسی بولمیش بنفشه نینگ ایتیشیچه، نبیره‌سی هوا افلاسلیگی طفیلی تنفسی کسل‌لیگی گه چلینگن. اونینگ کوپه‌یتیریشیچه: «لوگر ده حیات کیچیره‌میز؛ او ییرده دود و هوا نینگ افلاسلیگی نبیره‌م نینگ کسل بولیشی گه سبب بولدی؛ کسل‌خانه گه بستری بولگنی‌دن ایکی هفته بوله‌دی.»
شونینگدیک کابل یشاوچیسی بولمیش رامین نینگ ایتیشیچه، هوا افلاسلیگی سبب باله‌سی ۴۰ کون صحت طفل کسل‌خانه‌‌سیده بستری بولیب و کیین ایسه جان بیرگن. اونینگ کوپه‌یتیریشیچه: «شهر هوا‌سی جوده‌یم افلاسلنگن و باله‌م نینگ اولیمی گه سبب بولدی؛ باله‌م نینگ وضعیتی کون اوتیشی بیلن خراب بوله‌ر ایدی و ۴۰ کون بستری بولگنی‌دن کیین جان بیردی.»
بیزلرنینگ «ایکس» ترماغی ده هم تعقیب قیلینگ!
کابل یشاوچیلریدن بیری و هوا افلاسلیگی گه تیگیشلی کسللیکلر طفیلی بیر آی آلدین باله‌سینی قولدن بیرگن قیوم، سرپرست حکومت‌دن هوا افلاسلیگی کمه‌یشی اوچون بیر قطار برنامه‌لر نینگ قولگه آلینیشی نی ایسته‌گن. اونینگ کوپه‌یتیریشیچه: «باله‌م نی هوا افلاسلیگی طفیلی قولدن بیردم؛ اسلام امیرلیگی‌دن هوا افلاسلیگی کمه‌یشی اوچون بیر قطار برنامه‌لر نینگ قولگه آلیشی نی ایسته‌یمن که بو رقم باله‌لریمیز هوا افلاسلیگی گه تیگیشلی کسل‌لیکلردن قوتقریلسینلر.»
ینگی‌لیکده بیرلشگن ملتلر تشکیلاتی باله‌لردن حمایت قیلووچی صندیغی (یونیسف) نینگ اعلام قیلیشیچه، افغانستان ده بیش یاش نی تولدیرمه‌گن باله‌لردن ۴۰ فایزی، هوا افلاسلیگی کسللیکلری طفیلی جان بیرگن.
بیزلرنینگ فیسبوک صحیفه‌میزگه باش اورینگ!
اندراگاندی کسل‌خانه‌سیده‌گی شفاکارلردن ذبیح‌الله شمس امرخیل، حمام‌لرده تاش کومیر قوللنیشی و دود قیله‌دیگن موترلر نینگ اوتیب-قیتیشی، هوا افلاسلیگی گه سبب بوله‌دیگن عامل‌لریدن عنوان قیلگن. اونینگ کوپه‌یتیریشیچه: «هوا افلاسلیگی برچه یشاوچیسی اینیقسه باله‌لر نینگ ساغلیگی گه سلبی تاثیر قویه‌دی؛ هوا افلاسلیگی کمه‌یشی اوچون جدی اقدام‌لر صورت تاپیشی کیره‌ک و افلاس بولگن محیط‌لرده ماسک‌دن قوللنیلسین.»
بوندن آلدین خلق‌ارا ساغلیق نی سقلش تشکیلاتی، جاری میلادی ییل نینگ باش اوچ آیی‌ده افغانستان ده قتیق تنفسی کسللیکلر نتیجه‌سیده، کمیده ۱۲۲۰ کیشی جان بیریب و اولردن کوپینچه‌سی بیش یاش نی تولدیرمه‌گن باله‌لر دیب اعلام قیلگن ایدی.
