بیرلشگن ملتلر تشکیلاتی نینگ خوفسیزلیک کینگشی، افغانستان ده زوروانلیکلر و ریجه‌لنگن ترورلر کوپه‌یگنیدن خواطر بیلدیریب و بو هجوم‌لر تیزلیککه توخته‌تیلیشی نی سوره‌گن.
اوتگن کون (جمعه ۲۲- حوت) بیرلشگن ملتلر تشکیلاتی نینگ خوفسیزلیک کینگش اعضالری بیر اعلامیه ترقه‌تیب ایتیش‌لریچه، بونده‌ی هجوم‌لر، تینچ‌اهالی، دولت نینگ ملکی ایشلاوچی‌لری، رسانه فعاللری، عدلی و قضایی نهادلر ایشلاوچی‌لری، ساغلیک نهادلر ایشلاوچی‌لری، انسان حقلری فعاللری، عیاللر و قومی و مذهبی اقلیت‌لرنی هدف قرار بیره‌دی.
بیرلشگن ملتلر تشکیلاتی نینگ خوفسیزلیک کینگشی ریجه‌لنگن هجوم‌لرنی «یمان» دیب و اونینگ قاره‌لگن. شونینگدیک مذکور نهاد اعضالری بو هجوم‌لر عامل‌لری نینگ تیزلیککه و حتمی محکمه قیلینیشی نی سوره‌گن.
اولرنینگ اورغولشیچه، برچه تامانلر هر قنده‌ی شرایط گه بیرگن وعده‌لری جمله‌دن تینچ‌اهالی و خلق‌ارا انسان دوستلیک قانون‌لرگه حرمت قوییش‌لری کیره‌ک. بیرلشگن ملتلر تشکیلاتی نینگ خوفسیزلیک کینگشی نی اعلامیه‌سیده کیلیشیچه، ریجه‌لنگن قتل‌لر اوروش جنایتی گه ماس کیله‌دی.
شونده‌ی بیرحالده، سونگی پیت‌لرده مملکت نینگ کوپینچه ییرلری اینیقسه کابل ده ریجه‌لنگن ترورلر میزانی کوپه‌یگن. مذکور هجوم‌لردن کوپینچه‌سی نینگ مسئولیتی نی بیرار کیشی یا-ده گروه اوز بوینیگه آلمه‌یدی؛ بیراق دولت بو هجوم‌لرگه هر دایم طالبان گروهی نینگ مسئول بیلگن.
