بیرلشگن ملتلر تشکیلاتی نینگ ترقیاتی برنامه رئیسی آخیم شتاینر، بوگون کابل‌ده یولگه قوییلگن خبری بیر ییغین‌ده اسلامی امارت رهبرلریدن اورته و لیسه (۶_صنف‌دن یوقاری قیز اوقووچیلر) نینگ مکتب‌لری باشلنیشی اوچون آلگن قرارلرینی قیته کوریب چیقیش‌لرینی سوره‌دی.
شونینگدیک بیرلشگن ملتلر تشکیلاتی نینگ ترقیاتی برنامه رئیسی، سونگی ۲۰ ییل‌ده سوز ایرکین‌لیگی و رسانه‌لر نینگ فعالیتی و ترقیاتینی بویوک یوتوق دیب و اولر نینگ حفاظت ایتیلیشینی اورغوله‌گن. شونینگدیک او، اسلامی امارت‌دن چیکلاو یره‌تیش بیلن، سوز ایرکین‌لیگی و رسانه‌لر فعالیتی گه توسیق بولمسلیکلرینی طلب قیلگن.
بیرلشگن ملتلر تشکیلاتی نینگ ترقیاتی برنامه رئیسی اوشبو ییغین‌ده، شونینگدیک افغانستان گه رواجلنیش یاردملر خصوصیده سوز بیریب و مذکور مملکت مقیاسیده انسان‌دوستلیک یاردملر نینگ ییتیشتیریش اوچون تاکید قیلگن.
بیزلرنینگ فیسبوک صحیفه‌میزگه باش اورینگ!
ایتیلیشچه، آخیم شتاینر اوتگن کون، بلخ مرکزی مزارشریف شهریده عیاللرنینگ قول صنعت کورگزمهسی آچیلیشی مراسمیده «اسلامیک ریلیف» مؤسسه بیلن ۱ یریم میلیون دالرلیک قرارداد نی، مملکت شمالی‌ده‌گی سوداگر عیاللرنی قوللب قوتلش اوچون امضا قیلگن.
بو عین‌حالده، آی‌لر تعطیل‌دن کیین، برچه مکتب‌لر چهارشنبه، اوچ حمل آلتینچی صنف‌دن یوقاری قیزلر اوقووچیلر یوزی گه آچیلیشی کوتیلر ایدی، بیراق اسلامی امارت معارف وزیرلیگی اوشه کونده، قیزلر نینگ اورته و لیسه مکتب‌لری، کیینگی امرگچه یاپیق قالیشینی اعلام قیلدی. اسلامی امارت نینگ بو قراری ایچکی و خلق‌ارا مناسبت‌لر گه روپه‌رو بولگن.
ینگی‌لیکده، خلق‌ارا کیچیریم تشکیلاتی، قیزلرگه مکتب باریش اجازه‌سی بیریلمسلیگی افغانستان نینگ اقتصادیاتی و اجتماعی ترقیاتی اوستیگه سلبی تاثیر قیلیشیدن آگاه‌لنتیریب و دنیا همجمعیت، اسلامی امارت بیلن مذاکره‌ده، خاتین قیزلر حقوقینی قیرمیز چیزیغ قرار بیریشینی ایتگن ایدی.
مذکور تشکیلات اوتگن کونی بیر بیانیه ترقه‌تیب ایتیشیچه، اسلامی امارت اسلام قدریتی و افغانی کلتورنی بهانه قرار بیریب و خاتین قیزلر نینگ حقوقی‌دن محروم قیلیشنی ایسته‌یدی. گزارش‌دن نقل قیلنیشیچه، اسلامی امارت نینگ بو گَل ایشی، قبول قیلینمس و قیزلر نینگ تعلیم حقوقینی انیق ایاغ آستی قیلیش دیر که میلیون‌لرچه قیز نینگ کیله‌جگی اوستیگه سلبی تاثیر قیله‌دی.
بیزلرنینگ توییترده هم تعقیب قیلینگ!
خلق‌ارا کیچیریم تشکیلاتی نینگ جنوبی آسیا ایشلری بوییچه مدیری یمینی میشرا گه کوره، اسلامی امارت تیزلیک بیلن قیزلر یوزی گه مکتب‌لرنی آچیب و «تبعیضلی برنامه‌لریگه» چیک قوییشی کیره‌ک. او اسلامی امارت گه قرشی خاتین قیزلر نینگ اعتراض‌لرینی آلقیشلب ایتیشیچه، افغانستانده خاتین قیزلر امید اوچون کوره‌شماقده و دنیا جماعه‌چیلیگی اولرنی حاضرگی قلتیس شرایط ده یالغیز قویمسلیگی لازم.
خلق‌ارا کیچیریم تشکیلاتی نینگ جنوبی آسیا ایشلری بوییچه مدیری نینگ کوپه‌یتیریشیچه، تعلیم بشر نینگ اساسی حق‌لریدن دیر که اسلامی امارت افغانستان نینگ زعیم‌لری اوله‌راق رعایت ایتیشی کیره‌ک. اونینگ تأکیدلشیچه، اسلامی امارت نینگ سیاست‌لری، «تبعیضلی، عدالت‌سیزلیک و خلق‌ارا قانون-قاعده‌لر» گه قرشی دیر.
شونینگدیک گزارش‌ده کیلیشیچه: «اسلامی امارت استه-سیکین ۱۹۹۰ دهه سیاست‌لری گه قیتماقده دیر، او زمانده قیزلر نینگ برچه مکتب‌لری تعطیل بولیب و عیاللر عمومی مکان‌لرده حضور تاپیش حق‌لری یوق ایدی.» خلق‌ارا کیچیریم تشکیلاتی، دنیا جماعه‌چیلیگی دن، اسلامی امارت رسمی‌لری بیلن مذاکره جریانیده خاتین قیزلر نینگ تعلیم و حقوقینی قیرمز چیزیغ قرار بیریشینی سوره‌گن.
