بیرلشگن ملت‌لر تشکیلاتی نینگ انسان‌دوستلیک یاردم‌لر هماهنگ قیلووچی دفتری یا-ده اوچا، افغانستان جنوب‌شرقی‌ده زلزله عاقبتیده زیان کورگنلر گه یاردم بیریش اوچون ۱۱۰ میلیون دالر یاردم بیریلیش نی ایسته‌گن.
مذکور نهاد خواطر بیلدیریب، افغانستان جنوب‌شرقی‌ده یوز بیرگن زلزله عاقبتیده یوزلرچه کیشی نینگ اولگنی و بیر قطاری کیشی نینگ یره‌لنگنی نی بیان قیلگن.
بیزلرنینگ فیسبوک صحیفه‌میزگه باش اورینگ!
اوچا نینگ کوپه‌یتیریشیچه، بیرلشگن ملت‌لر تشکیلاتی و اوشبو تشکیلات نینگ بشری هم‌کارلری، زیان کورگن تومن‌لرده ۳۶۲ مینگ کیشی گه ۱۱۰ میلیون عاجل یاردم درخواستی نی باشلگن‌لر.
اوچا دنیا جماعه‌دن، مملکت جمعیتی اضطراری بیر وضعیت بیلن روپه‌ره بوله‌دیگن بیرحالده، قوتقریش سعی و حرکتلر‌دن حمایت قیلیش اوچون تعهد قیلیش‌لری نی سوره‌گن.
مسئوللر گه کوره، چهارشنبه کونی ممکلت جنوب‌شرقی‌ده یوز بیرگن زلزله نتیجه‌سیده، ۱۰۰۰دن آرتیق کیشی اولیب و کمیده ۱۵۰۰ کیشی ایسه یره‌لنگن. شونینگدیک زیان کورگن ولایت یشاوچیلیری اینیقسه پکتیکا ولایتی عاجل انسانی یاردم‌لر گه نیازلری بار.
بیزلرنینگ توییترده هم تعقیب قیلینگ!
گرچند حاضرگچه خلق‌ارا نهاد‌لر و بیر قطار مملکت‌لر نینگ کمکی محموله‌لری زیان کورگنلر گه یوباریلگن، لیکن یشاوچیلری نینگ ایتیش‌لریچه، اوشبو یاردم‌لر ییترلی ایمس و حاضرگچه دستلبکی امکانیت‌لر گه قول تاپه آلمه‌گنلر.
