آسیا بوییچه تاغلی بته‌لردن «اوومان»، افغانستان ده اینیقسه ارزگان ولایتی نینگ دشت‌لری و تاغ‌لریده کوپراق طبیعی شکلده تاپیله‌دی. مذکور ولایت یشاوچیلری نینگ ایتیشلریچه، سونگی کونلرده چیت ایل مملکت‌لر گه اوشبو بته قاچاق ایتیلیشی کوچه‌یگن.
گیزاب و ارزگان خاص تومن‌لری یشاوچیلریدن قطاری نینگ سلام‌وطندار گه ایتیشلریچه، بیر قطار شرکت‌لر تاغ‌لردن اوومان بته‌سینی ییغیش اوچون مذکور تومن یشاوچیلرینی کونده‌لیک مردکار آله‌دی.
بیزلرنینگ فیسبوک صحیفه‌میزگه باش اورینگ!
گیزاب تومنی یشاوچیلریدن بیری عبدالغفار گه کوره، اولر قریب ۴ کیلو اوومان‌نی ۲۵ افغانی شرکت‌لر گه ساته‌دیلر و کونده‌لیک ایشله‌یدیگن مردکارلر ۳۰۰۰ افغانی گچه ایشله‌یدی. اونینگ ایتیشیچه، اوشبو بته نیمروز و باشقه قطار ولایت‌لر گه انتقال بیریلیب و کیین ایسه قییرگه قاچاق ایتیلیشی بیللی ایمس.
عین‌حالده ارزگان خاص یشاوچیلریدن سیدرحیم، اوشبو بته چیت ایل گه صادر ایتیلیشینی تصدیقلب و اسلامی امارت مسئول‌لریدن بو توغریده دقتلی بولیشلرینی طلب قیله‌دی.
شو بیلن بیرگه، ایکینچیلیک ایشلری بوییچه ایش بیلرمان‌لردن قطاری، مذکور تاغلی بته‌نی ارزشلی دیب ایتیشلریچه، بو بته‌دن بعضی داروولرنی توزه‌تیش اوچون قوللنیله‌دی.
ارزگان عالی تحصیلات مؤسسه ایکینچیلیک فاکولته‌سی نینگ استادلریدن بولمیش احمدالله احمدی نینگ سلام‌وطندار گه ایتیشیچه، اوومان بته‌سیدن توزه‌لگن دارو نینگ بیر کیلوسی دنیا بازارلریده ۳۳۸ دالر ساتیله‌دی. اونگه کوره، اوومان بته‌سی یالغیز آسیایی مملکت‌لر اینیقسه کوپراق افغانستان نینگ ارزگان ولایتیده تاپیله‌دی.
بیزلرنینگ توییترده هم تعقیب قیلینگ!
ارزگان معلومات و مدنیت باشلیغی محمد آصف گه کوره، قیمت بها اوومان بته‌سی قاچاق ایتیلمسلیگینی جدی آلگن‌لر. ارزگان معلومات و مدنیت باشلیغی، مذکور بته قاچاقچیلریدن اوشبو بته‌نی قاچاق ایتمسلیکلرینی سوره‌گن.
ایتیش کیره‌ک که، افغانستان طبیعی منبع‌لر نقطه‌ی نظردن بای بیر مملکت دیر، بیراق اولکه فقرالری هردایم، حکومت اوشبو منبع‌لردن یخشی طرزده فایده لنمه‌ی و زوروان‌لر همده عادی اهالی تامانیدن ناقانونی روشده قاچاق ایتیلیشیدن شکایت قیله‌دیلر.
