اوکراین تشقی ایشلر وزیری دیمتری کولبا، روسیه نینگ اوشبو مملکت گه هجوم قیلیشیدن خبر بیرگن. او توییتری‌ده یازیشیچه، روسیه جمهور باشلیغی ولادیمیر پوتین، اوکراین گه قرشی «کینگ کولملی هجوم» نی باشله‌گن.
اوکراین تشقی ایشلر وزیری نینگ ایتیشیچه، «بو تجاوزکار بیر اوروش دیر؛ بیراق اوکراین اوزی‌دن دفاع قیله‌دی.» او دنیا مملکت لریدن روسیه هجومی توخته‌تیلیشینی طلب قیلگن.
عین‌حالده، میدیالر اوکراین پایتختی کیف‌ده ۵-۶ پارتلش سیسی ایشیتیلگنیدن خبر بیرگنلر. گزارش‌لر اساسیده، اوکراین دولتی بیر مقامی، اوشبو مملکت نینگ هوا و حربی قرارگاهی نشانگه آلینگنینی تصدیقله‌گن.
بیزلرنینگ توییترده هم تعقیب قیلینگ!
آلدینراق روسیه جمهور رئیسی تلویزیونی نطقی‌ده، اوکراین نینگ دونباس منطقه سیده حربی عملیات باشلنگنیدن خبر بیرگن ایدی. او اوکراین نینگ شرقی جنگ منطقه سیده‌گی عسکرلری‌دن، قورال-یراغ لرینی ییرگه قوییب اوی‌لری گه قیتیش لرینی طلب قیلگندی.
روسیه جمهور باشلیغی، اوکراین گه قانلی واقعه‌لر مسئولیتی اوشبو مملکت زمه‌سیگه دیه آگاه لنتیرگن ایدی.
عین‌حالده، آمریکا قوشمه ایالت‌لری نینگ جمهور رئیسی جوبایدن، بیانه ترقه‌تیب روسیه‌نی اوکراین ده‌گی اولیم و ویران گرچیلیک مسئولی دیب، آمریکا و متحدلری اتفاق روشده روسیه گه کیسکین جواب قیتیریش لرینی بیلدیرگن.
آمریکا جمهور باشلیغی بیانیه سیده ایتیشیچه، شرایط‌نی کیچه ملی امنیت تیمی بیلن کوزه‌ته دی و پنجشنبه ایرته‌سی ۷گروه گه اعضا مملکت‌لر نینگ لیدرلری بیلن مذاکره قیلیشی ممکن. او نینگ تأکیدلشیچه، ۷ گروه رهبرلری بیلن صحبت‌دن کیین، واشنگتن نینگ مسکو گه جواب قیتیریشی باره سیده‌گی قرارینی آمریکا یشاوچیلری گه اعلام ایته‌دی.
بیزلرنینگ فیسبوک صحیفه‌میزگه باش اورینگ!
باشقه تاماندن، ناتو باش کاتبی ینس استولتنبرگ، روسیه نینگ اوکراین گه باستیریب کیریشینی اوز باشیمچه‌لیک و خلق‌ارا قانون-قاعده‌لر گه قرشی عنوان قیلگن. او توییتری‌ده یازیشیچه، روسیه هجومی اروپا-آتلانتیک امنیتی گه قرشی جدی تهدید دیر.
ناتو اوشبو هجوم باره سیده ییغین اوتکزیشی کوتیله‌دی. شو بیلن بیرگه اوکراین نینگ وضعیتی گه دایر بیرلشگن ملت‌لر تشکیلاتی خوفسیزلیک کینگشی نینگ شاشیلینچ ییغینی باشلنگن.
