آمریکا قوشمه ایالت‌لری نینگ جمهور باشلیغی جوبایدن، اوشبو مملکت نینگ سنا و نماینده‌لر کینگشی رهبریتی گه یولـَگن مکتوبی‌ده، افغانستان نی «ناتو گه اعضا بولمه‌گن اصلی اتفاق‌لری» عضویتینی لغو قیلیشنی بیلدیرگن.
(چهارشنبه، ۱۵ سرطان)، جوبایدن آمریکا کانگرسی گه یوبارگن مکتوبی ده ایتیشیچه: «افغانستان نی ناتوگه اعضا بولمه‌گن اصلی اتفاق‌لری عضویتینی لغو قیلیش نی سیزلر بیلن شریک قیلدیم.»
بیزلرنینگ توییترده هم تعقیب قیلینگ!
آمریکا سابق جمهور باشلیغی بارک اوباما، ۲۰۱۲_ییلی افغانستان نی ناتو نینگ اعضاسی بولمه‌گن اصلی اتفاقی اوله‌راق عضویتینی اعلام قیلدی، بو خبردن کیین ایسه کابل و واشنگتن ارا اقتصادی و دفاعی مناسبت‌لر گه شرایط یره‌تیلدی.
اوشبو موقف گه ایگه اولکه‌لر گه اقتصادی و حربی امتیاز بیریله‌دی.
افغانستان اوچون اوشبو موقف لغو بولیشیدن کیین، ۱۸ مملکت جمله‌دن ارجنتاین، آسترالیا، بحرین، برازیل، کولمبیا، مصر، اسراییل، جاپان، اردن، کویت، مراکش، نیوزیلند، پاکستان، فلیپین، قطر، جنوبی کوریا، تایلند و تونس ناتو گه اعضا بولمه‌گن اصلی اتفاق‌لری اوله‌راق قاله‌دیلر.
بیزلرنینگ فیسبوک صحیفه‌میزگه باش اورینگ!
آمریکا حربی کوچلری، تخمیناً ۲۰ ییل اوروش دن کیین اوتگن میلادی ییل آگست آیی ده افغانستان نی ترک ایتیشیدن سونگ جوبایدن بونده‌ی مکتوب نی کانگرس گه یوبارگن.
افغانستان ده اسلامی امارت حاکم بولیشیدن کیین، آمریکا افغانستان نینگ مرکزی بانکی سرمایه‌لرینی توسدی، بیراق اوتگن بیر ییل جریانیده افغانستان ده‌گی بحران حلی اوچون، ۷۷۴ میلیون دالر انسان پرورلیک یاردم‌لرنی مذکور مملکت یشاوچیلری اوچون بیرگن.
