گاردین کونده‌لیگی نینگ گزارشی اساسیده، اسلامی امارت قدرت گه ایریشگنیدن کیین، افغانستان القاعده ترماغی نینگ مکانی گه اورگزگن و اوشبو گروه مذکور مملکت‌ده آزاد بیر شکلده فعالیت قیله‌دی و کیله‌جک ییل‌لرده اوزاق ییردن هم ینگی هجوم‌لر نی یولگه قوییشی ممکن.
گاردین کونده‌لیگی، بیرلشگن ملت‌لر تشکیلاتی گه اعضا مملکت‌لر تامانیدن ارایه بولگن معلومات‌لر اساسیده تیارلنگن مذکور تشکیلات نینگ گزارشی‌دن نقل قیلیب ایتیشیچه، القاعده فعالیتی افغانستان امنیتی نی تهدید قیلیشی ممکن و اوشبو مملکت خلق‌ارا کوچلر نینگ چیقگنیدن کیین، قیته ترورچیلیک هجوم‌لر مکانی گه اوزگریشی ممکن.
بیزلرنینگ فیسبوک صحیفه‌میزگه باش اورینگ!
گزارش‌ده کیلگن که، تصدیق‌لنمه‌گن گزارش‌لر اساسیده، کابل نینگ سابق دیپلماتیک محله‌سیده القاعده نینگ نابیللی اعضالریدن بیر قطاری حیات کیچیره‌‌دیلر و مذکور ییرلردن اسلامی امارت تشقی ایشلر وزیرلیگی ییغین‌لری گه قول تاپیش‌لری ممکن.
گزارش‌ده، القاعده تامانیدن خلق‌ارا ترورچیلیک فعالیت‌لر آلدی آلینیشی گه دایر اسلامی امارت وعده‌لری نینگ قیسقه و اوزاق مدت‌‌لی بولگنی بیللی ایمس، گرچند اسلامی امارت القاعده گروهی نی یوق ایتیش اوچون تلاش قیلسه‌ده، بیراق بو تلاش‌لر دوام قیلمسلیگی ممکن دیه تأکید ایتیلگن.
بیزلرنینگ توییترده هم تعقیب قیلینگ!
گزارش‌ده کوپه‌یتیریلیشیچه، القاعده رهبری ایمن‌الظواهری تامانیدن بیانیه‌لر و رابطه‌لر گه کوره، اسلامی امارت نینگ قدرت گه ایریشگنیدن کیین، اوشبو ترماق‌دن اونینگ یخشی‌راق رهبرلیک قیلیشی نی کورسته‌دی.
شونده‌ی بیرحالده، بوندن آلدین هم افغانستان ده القاعده و داعش فعالیت‌لریدن نیچه مرته گزارش‌لر ترقه‌تیلیب و اوشبو مملکت‌ده ترورچی گروه‌لر نینگ حضوری بارلیگیدن خواطر بیلدیریلگن، بیراق اسلامی امارت رسمی‌لری بوتون گزارش‌لر نی رد قیلیب و تینچ‌لیک نینگ تامین‌لنیشی و ترورچیلیک گروه‌لر نینگ هر قنده‌ی فعالیتی‌دن توسیق بولینیشی خصوصیده ایشانچ بیرگنلر.