بلخ خوفسیزلیک مسئوللری نینگ ایتیش‌لریچه، اوشبو ولایت مرکزی مزارشریف شهری نینگ ۱۰_ و ۳_حوزه‌لری گه تیگیشلی منطقه‌لریده یوزبیرگن ایکی پارتلش نتیجه‌سیده، ۹ کیشی هلاک و ۱۳ کیشی یره‌لندی. اوشبو پارتلش‌لر بوگون شام‌چاغی مزارشریف شهری نینگ شیعه‌لر یشه‌یدیگن محله‌لریده یوزبیرگن.
بلخ امنیه قومندانلیگی سوزلاوچیسی محمدآصف وزیری نینگ ایتیشیچه، بیرینچی پارتلش مزارشریف شهری نینگ ۱۰_خوفسیزلیک حوزه‌سی گه تیگیشلی «کارتۀ آریانا» منطقه‌سیده و ایکینچی پارتلش ایسه اوشبو شهر نینگ ۳_حوزه‌سی گه تیگیشلی «سلطان غیاث‌الدین» مکتبی یانیده یوزبیرگن که اوشبو پارتلش‌لر نتیجه‌سیده، ۹ کیشی هلاک و ۱۳ کیشی ایسه یره‌لنگن.
بیزلرنینگ توییترده هم تعقیب قیلینگ!
مذکور پارتلش‌لر تونس و فلانکوچ تیپلی یولاوچی تاشووچی موترلرده یوزبیرگن. حادثه شاهدلری اوشبو پارتلش‌لر تلفاتی نی ایتیلگن آماردن کوپراق دیگنلر. ایتیلیشچه، اوشبو واقعه‌ده هلاک بولگنلر و یره‌لنگنلردن برچه‌سی تینچ اهالی دیر.
حاضرگچه اوشبو پارتلش‌لر مسئولیتی نی هیچ کیم بوینیگه آلمه‌گن. شونینگدیک بوندن آلدین، مزارشریف و قطار ولایت‌لرده شیعه‌لر نینگ مذهبی محله‌لریده اویوشتیریلگن پارتلش‌لر مسئولیتی نی اسلامی دولت گروهی (داعش) بوینیگه آلگن.
بیزلرنینگ فیسبوک صحیفه‌میزگه باش اورینگ!
عین‌حالده، سونگی کونلرده مزارشریف شهریده شیعه‌لر گه تیگیشلی منطقه‌لر کوپراق هجوم آستیده قرار تاپیب و بلخ یشاوچیلریدن قطاری نینگ خواطرلری گه سبب بولگن.
