تورکیه میدیالری نینگ معلوماتی اساسیده، اوشبو مملکت نینگ استانبول شهری «توزلا» منطقه‌سیده جایلشگن کیمه توزه‌تیش کمپنیه‌سیده پارتلش یوز بیرگن.
استانبول نینگ توزلا منطقه‌سیده جایلشگن کیمه توزه‌تیش کمپنیه‌سی نینگ انباری‌ده یوز بیرگن پارتلش‌ده، بیر ایشچی اولیب و بیر ایشچی ایسه یره‌لنگن.
بیزلرنینگ فیسبوک صحیفه‌میزگه باش اورینگ!
مذکور واقعه بوگون (دوشنبه، ۲۳ اسد/ ۱۴ آگست)، توش‌دن آلدین ساعت ۱۰:۳۰ اطرافیده یوز بیرگن. معلومات‌لر اساسیده، واقعه کیمه توزه‌تیش کمپنیه‌سی نینگ انباری‌ده ایکی ایشلاوچی بارلیگی پیتیده پارتلش یوز بیرگن.
تورکیه نینگ آلاونی اوچیروچی و طبیعی آفت‌لرنی باشقریش تیم‌لری، واقعه محلی گه ییتیب بارگنلر.
بیزلرنینگ توییترده هم تعقیب قیلینگ!
معلومات‌لر اساسیده، اوشبو واقعه‌ده بیر کیشی اولیب و بیر کیشی ایسه یره‌لنگن و یره‌لنگن کیشی درمان اوچون کسل‌خانه گه انتقال بیریلگن.
ایتیش کیره‌ک که، ۱۰ جون ده تورکیه پایتختی انقره حدودلری گه قره‌شلی «الماداغ» منطقه‌سیده، قورال-یراغ یا که راکت توزه‌تووچی فابریکه‌سیده یانغین صادر بولیب و بیش کیشی هلاک بولگن ایدی.
