ترکیه ایلچی‌سی جهاد ایرگین‌آی اوتگن کون (چهارشنبه، ۲۷-میزان) جوزجان ولایتی گه سفر قیلیب و مذکور ولایت محلی و امنیتی مسئوللری بیلن اوچره‌شگن.
ترکیه ایلچی‌سی جهاد ایرگین‌آی نینگ ایتیشیچه، ترکیه انسانی یاردم‌لر، انکشافی پروژه‌لر و معارف خصوصیده همکارلیگی نی دوام بیریب و افغانستان یشاوچیلری یانیده توخته‌یشی ممکن.
بیزلرنینگ فیسبوک صحیفه‌میزگه باش اورینگ!
ترکیه ایلچی‌سی گه کوره، بیر مملکت نینگ اساسی نی تعلیم و تربیه توزته‌دی و انه شوو سبب، بو توغریده ترکیه افغانستان نی کوپراق حمایت قیلیش ایسته‌دی.
جوزجان حاکمی محمد‌اسماعیل راسخ اوشبو اوچره‌شوو ده ایکی مملکت آره‌سیده رابطه‌لر نینگ کوپراق رواجلنیشی خصوصیده تاکید قیلیب و ایتیشیچه، ترکیه بشری، آستقورمه پروژه‌لر، معارف و تحصیلی بورسیه‌لر یاردمی خصوصیده دایم افغانستان اهالی‌سیدن حمایت قیلگن دیر.
جوزجان حاکمی گه کوره، باشقه وقت‌لر گه قره‌گنده حاضر ایسه معارف و ساغلیک سکتوری جدی توجه گه نیازی بار و اسلامی مملکت‌لر هم بو زمینه همکارلیک قیلیش‌لری کیره‌ک.
جوزجان حاکمی اورین‌باسری گل‌محمد افغانستان اهالی‌سیدن حمایت قیلیش خصوصیده ترکیه نینگ سعی و حرکتی‌دن خورسند‌لیک بیلدیریب و ایتیشیچه، افغان‌لر ترک‌لر بیلن تاریخی رابطه گه ایگه دیر.
بیزلرنینگ توییترده هم تعقیب قیلینگ!
جوزجان حاکمی اورین‌باسری ترکیه مملکتی‌دن اسلامی امارت نینگ رسمیت گه تانیلیشی خصوصیده اقدام قیلیش‌لری نی ایسته‌گن.