اسلامی امارت معارف وزیرلیگی گه کوره، تورکیه‌لیک بیر نهاد مملکت نینگ ۵ ولایتیده بیش دینی مدرسه قوره‌دی.
بوگون (شنبه، ۷ عقرب) معارف وزیرلیگی اوز توییتری ده یازیشیچه، مذکور وزیرلیک و تورکیه‌لیک «ایدیف» خیریه بیر نهاد، مملکت نینگ بیش ولایتیده بیش دینی مدرسه قوریش بیتیمینی امضاله‌گنلر.
مدرسه‌لرنی قوریش بیتیمی، افغانستان معارف وزیرلیگی نینگ سرپرستی حبیب‌الله آغا و «ایدیف» نهاد مسئولی محمد توران آره‌سیده امضالنگن.
بیزلرنینگ فیسبوک صحیفه‌میزگه باش اورینگ!
معارف وزیرلیگی توییتری ده یازیشیچه، اوشبو بیتیمنی امضالش چاغیده مذکور وزیرلیک نینگ سرپرستی، «ایدیف» خیریه بنیادی تامانیدن بیش مدرسه قوریلیشینی یخشی آدیم دیب و اوشبو نهاد دن منتدارلیک بیلدیرگن.
معارف وزیرلیگی نینگ سرپرستی «ایدیف» خیریه بنیادی مسئوللری گه، اوشبو وزیرلیک مذکور پروژه‌لر عملگه آشیریلیشی اوچون برچه قولی‌لیکلرنی یره‌تیشیدن ایشانچ بیلدیرگن.
معارف وزیرلیگی نینگ ایتیشیچه، اوشبو کیلیشوو اساسیده تورکیه‌لیک مذکور بنیاد مملکت نینگ بیش ولایتیده تورت درس‌لیک صنف، مدرسه‌لر اطرافی دیواری، مسجد، ایچیملیک سوو سیستمی و باشقه قولی‌لیکلردن عبارت بیش دینی مدرسه قوره‌دی.
بیزلرنینگ توییترده هم تعقیب قیلینگ!
مذکور مدرسه‌لر نینگ خرجتی ۲۵ مینگ امریکالیک دالر تخمین ایتیلگن و «ایدیف» خیریه بنیادی تامانیدن توللنیله‌دی.