کنر معلومات و مدنیت ریاستی نینگ سیاحتچیلر آمری حشمت‌الله ژمن نینگ سلام‌وطندار گه ایتیشیچه، هییت نینگ ۴-کونی‌گچه ۱۰ مینگ سیاح اوشبو ولایت گه سیاحت اوچون بارگن ایکن که، بو رقم اوتمیش ییل‌لر گه قره‌گنده جوده هم کوپ بولگن.
اونینگ کوپه‌یتیریشیچه، مذکور سیاحت‌چیلردن ۳۰۰۰دن آرتیغی، اوتمیش‌لرده باریلیشی ممکن بولمه‌گن تاغلی و اوزاق منطقه‌لر گه بارگنلر.
بیزلرنینگ توییترده هم تعقیب قیلینگ!
کنر معلومات و مدنیت ریاستی نینگ سیاحتچیلر آمری گه کوره، اولر اوشبو ولایت نینگ نورگل تومنی‌ده سیاحت‌چیلردن خوش‌قرشی‌لماق اوچون بیر قطار تیم‌لر نی قوییب و اولر گه رهنمالیک قیلیش اوچون تفریحی منطقه‌لرده بروشرلر نی قرار بیرگنلر.
مملکت نینگ جنوبی ولایتلریدن بولمیش بیر قطار سیاحتچیلر نینگ ایتیش‌لریچه، کنر ده جوده هم گوزل و چیرایلی ییرلر بار. اولر مسئوللردن سیاحتچیلر گه آسایشته‌لیک یره‌تیلیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
شونینگدیک کنر گه علاوه، هر ییل مینگلرچه سیاحت‌چی نورستان گه باره‌دی، بیراق بو ییل اوشبو ولایت قتناو یولیده و بیر قطار منطقه‌لریده یوز بیرگن سوو تاشقین‌لر و یامغیرلر باعث، سیاحتچیلر اوشبو ولایت گه باریش اوچون کوپینچه قیین‌چیلیک بیلن رودپه‌ره بولگنلر.
