لغمان حاکمی مطبوعاتی دفتری نینگ اعلام قیلیشیچه، کابل-جلال‌آباد قتناو یولیده‌‌گی یوزبیرگن ترافیکی حادثه نتیجه‌سیده، ۳ کیشی هلاک و باشقه ۸ کیشی ایسه یره‌لنگن. مذکور واقعه بوگون توش‌دن کیین، اوشبو قتناو یول نینگ «مشل» ساحه‌سیده کرولا تیپلی یولاووچی تاشووچی بیر موتر بیلن «تو دی» یولاووچی تاشووچی موتر نینگ توقنشووی باعث، یوزبیرگن دیر.
ننگرهار محلی مسئوللری نینگ ایتیش‌لریچه، حادثه یره‌دارلری اوشبو ولایت حوزوی کسل‌خانه‌سی گه انتقال بیریلگن. مسئوللر گه کوره، اوشبو حادثه هیداوچیلر نینگ دقت‌سیزلیگی باعث، یوزبیرگن.
بیزلرنینگ فیسبوک صحیفه‌میزگه باش اورینگ!
کابل-جلال‌آباد قتناو یولی کونیده اونلرچه موتر نینگ اوتیب-قیتیشی و اکثر وقت‌لر ترافیکی واقعه‌لر گه گواه بولگن مملکت نینگ گوجوم قتناو یوللریدن دیر.
شونده‌ی بیرحالده، اوتگن کیچه، میدان‌وردک مرکزی میدان‌شهر نینگ شهری اطرافیده یوزبیرگن ترافیکی واقعه نتیجه‌سیده، بیر کیشی هلاک و عیال‌لر و باله‌لر شامل ۱۷ کیشی یره‌لنگن ایدی.
میدان‌وردک محلی میسئوللری نینگ ایتیش‌لریچه، اوشبو واقعه میدان شهر اطرافیده «۴۰۴» رسوملی یولاووچی تاشووچی بیر موتر نینگ یوک تاشووچی بیر موتر بیلن توقنشووی باعث، یوزبیرگن.
بیزلرنینگ توییترده هم تعقیب قیلینگ!
باشقه بیر تامان‌دن، شونینگدیک بوگون هلمند‌ده یوزبیرگن واقعه نتیجه‌سیده بیر کیشی جان بیرگن. هلمند محلی میسئوللری گه کوره، اوشبو واقعه مذکور ولایت نینگ سنگین تومنی اطرافیده بیر موترسایکل بیلن بایسکل نینگ توقنشووی باعث، یوزبیرگن که نتیجه‌ده، اوشبو واقعه‌ده بایسکل هیداووچی جان بیرگن.
ایتیش کیره‌ک که، سونگی کون‌لرده ولایت‌لردن قطاری‌ده ترافیکی واقعه‌لر کوپه‌یب و بو واقعه‌لر نتیجه‌سیده بیر قطار کیشی‌لر هلاک و یره‌لنگن. مسئوللر و اهالی، اوشبو واقعه‌لر سببینی هیداووچیلر نینگ دقت‌سیزلیگی و سرک‌لر نینگ بوزیقلیگی عنوان قیله‌دیلر.
