حکومت نینگ میدیالر و اطلاعات مرکزی، بوگون (چهارشنبه، ۲۷ ثور) اوز توییتری ده یازیشیچه، اسلام امیرلیگی هیأتی «اسلام دنیاسی_روسیه» عنوانیده خلق‌ارا اقتصادی اون تورتینچی دور ییغیلیشی ده اشتراک ایتیش مقصدیده، تاتارستان گه سفر قیلگن.
مملکت صناعت و سوداگرلیک وزیرلیگی نینگ سرپرستی نورالدین عزیزی ییتکچیلیگی ده اوشبو هیأت، روسیه رسمی‌لری و کمپنیه‌لری نماینده‌لری بیلن اوچره‌شیب، ایکی تامانلمه مناسبت‌لرنی مستحکم‌لش، سوداگرلیک و سرمایه یاتقیزیش حقیده بحث ایتیش‌لری کوتیله‌دی.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، اسلام امیرلیگی هیأتی نینگ اوشبو سفری حقیده کوپراق ایضاح کیریتیلمه‌گن.
حکومت نینگ میدیالر و اطلاعات مرکزی گه کوره، اسلام امیرلیگی هیأتی تاتارستان جمهور باشلیغی مینیخانوف نینگ رسمی تکلیفی گه بناً، اوشبو مملکت گه سفر قیلگنلر.
تاتارستان ده، «اسلام دنیاسی_روسیه» عنوانیده خلق‌ارا اقتصادی اون تورتینچی ایکی کون‌لیک ییغیلیشی، ۱۸ و ۱۹ می ده اوتکزیلیشی کوتیله‌دی.
بیزلرنینگ توییترده هم تعقیب قیلینگ!
خلق‌ارا اقتصادی ییغیلیش هر ییلی روسیه تامانیدن یولگه قوییله‌دی و اوتگن ییلی ثور آیی ده تاتارستان ده اون اوچینچی دور ییغیلیشی بولیب اوتگن ایدی.
