بامیان ولایتیده‌گی محلی منبع‌لر نینگ سلام‌وطندار گه ایتیشلریچه، اوچ کون آلدین (دوشنبه، ۳ اسد) اوشبو ولایت نینگ پنجاب تومنی «خارقول» منطقه‌سی و «پای کوتل چرخ کشته» ساحه‌سیده ایکی عیال شامل ۹ کیشی بیر زیارتخانه نینگ قیمت بها نرسه‌لرینی اوغیرلش عیبی بیلن قولگه آلینگنلر.
بامیان امنیه قوماندان‌لیگی نینگ مطبوعاتی دفتری ترقه‌تگن بیانیه‌سیده اوشبو کیشی‌لر نینگ حبس گه آلینیشینی تصدیقلب ایتیشیچه، دستلبکی تدقیقات ده اولر آلدیدن «هوش‌سیز قیلووچی بیر مقدار دارو (الیازپم) تاپیلگن.
بیزلرنینگ فیسبوک صحیفه‌میزگه باش اورینگ!
بیانیه ده کیلیشیچه، قولگه آلینگن کیشی‌لر نینگ آلدیدن هوش‌سیز قیلووچی دارو تاپیلیشی و پنجاب تومنی «خارقول» منطقه‌سیگه باریش سببی حاضرگه قدر انیقلنمه‌گن.
بامیان امنیه قوماندان‌لیگیدن ایشانچلی بیر منبع نینگ ایتیشیچه، مذکور کیشی‌لر اوشبو هفته (دوشنبه، ۳ اسد) کرونا واکسینی رضاکار تیمی عنوانیده پنجاب تومنی نینگ خارقول منطقه‌سیگه باریب و اوشبو منطقه یشاوچیلری دن ۱۷ کیشینی واکسین قیلگنلر. منبع گه کوره، محل یشاوچیلری اولر گه گمانسیره‌ب و پنجاب تومنی امنیه قوماندان‌لیگی گه گزارش بیرگنلر. منبع نینگ کوپه‌یتیریشیچه، پنجاب تومنی امنیه قوماندانی اوشبو تومن قطار یشاوچیلری بیلن بیرگه محل گه باریب و ایکی عیال شامل ۹ کیشینی قولگه آلگن.
منبع نینگ ایتیشیچه، دستلبکی تیرگاوده اولر آلدیدن بیر مقدار هوش‌سیز قیلووچی دارو و کمیده ۶ بیل و کُلنگ قولگه کیلگن.
بیزلرنینگ توییترده هم تعقیب قیلینگ!
منبع نینگ کوپه‌یتیریشیچه، مذکور کیشی‌لر کوپ احتمال بیلن پنجاب تومنی «پای کوتل چرخ کشته» ساحه‌سیده‌گی بیر زیارتخانه‌نی قازیب و قیمت بها نرسه‌لرینی اوغیرلشماقچین ایکنلر.
بامیان ساغلیق‌نی سقلش باشلیغی داکتر جعفر ذکی نینگ ایتیشیچه، پنجاب تومنی ده کرونا واکسینی رضاکار تیمی آستیده اوزلرینی تانیشتیرگن ۹ کیشی‌لیک گروه، بو ریاست بیلن هیچ قنده‌ی علاقه‌سی یوق دیر.
سونگی ییل‌لرده، مملکت نینگ قطار منطقه‌لریده زیارتخانه‌لر کیچه تاماندن قازیلیب و قیمت بها نرسه‌لری اوغیرلنگن.
