غور ولایتی نینگ تیوره تومن یشاوچی‌لری و امنیتی رسمی‌لریدن قطاری بو تومن یمان امنیتی وضعیتی و قطار منطقه‌لر و پوسته‌لر طالبان قولیگه سقوط قیلگنیدن خواطر بیلدیریب ایتیش‌لریچه، دولت جدی توجه قیلمه‌گن صورتده، بو تومن طالبان قولیگه سقوط قیلیشی ممکن.
مذکور تومن یشاوچی‌لریدن بیری محمدیاسین آژند نینگ ایتیشیچه: «قیغو بیلن بیر آیدن بویان طالبان تیوره تومنی اوستیده کینگ ییغین یولگه قویه‌دی. بیزلر هر کیچه عسکرلریمیزنی هلاک و یره‌لنیشی گه شاهدمیز و بولر قیشلاق‌لرنی بیر بیرته سقوط بیریب و اوز نظارت‌لریگه آله‌دی. دولت توجه قیلمه‌گن صورتده، بیزلر تیزلیککه تیوره تومنی طالبان قولیگه سقوط قیلیشی گه شاهد بوله‌میز.»
شونینگدیک بو تومن باشقه بیر یشاوچیسی محمد امین نینگ ایتیشیچه: «طالبان حرکت‌لرینی کوپه‌یتیرگن. توجه بولمه‌گن صورتده و هوایی کوچلر تیزلیککه اقدام قیلمه‌گن صورتده، تیوره تومنی طالبان قولیگه سقوط قیلیشی ممکن.»
شونینگدیک تیوره تومن پولیس قومندانی حبیب‌الرحمان ملک‌زاده نینگ ایتیشیچه، محلی و مرکزی رسمی‌لرنینگ توجه‌سیزلیگی باعث، بو تومنده امنیتی کوچلردن قطاری وظیفه‌لرینی ترک قیلیب و طالبان صفیده قتنشگن.
اونینگ ایتیشیچه، حاضر طالبان نیچه تاماندن بو تومن اوستیگه هجوم باشله‌گن و توجه بولمه‌گن صورتده وضعیت یمان‌لنیشی ممکن.
حبیب‌الرحمان ملک‌زاده نینگ ایتیشیچه: «شهید یا-ده یره‌لنگن هر بیر کیشی انتقال بیریلیشی کیره‌ک. بیراق او کوپ قیینچیلیکلر بیلن بیر یا-ده ایکی هفته‌دن کیین انتقال بیریله‌دی. انه شو دلیل امنیتی پرسونل‌لرنینگ یوره‌گی ساوویشی گه سبب بولگن. طالبان تومن اطرافیده توپلنگن و اوروش نی باشله‌ش اوچون تیارگرلیک آلماقده.»
بیراق غور حاکمی سوزلاوچیسی زلمی کریمی نینگ ایتیشیچه، امنیتی خاص کوچلر تیوره تومنیده یوباریلگن و تیزلیککه بو تومنده تازه‌لنیش عملیات یولگه قوییله‌دی.
زلمی کریمی نینگ کوپه‌یتیریشیچه: «غور محلی اداره‌سی غور یشاوچی‌لری اینیقسه تیوره تومن یشاوچی‌لریگه بو تومن سقوط قیلمه‌سلیگی توغریسیده ایشانچ بیره‌دی. ییترلیچه تیارگرلیک آلینگن و ۲۰۷ ظفر قول اردو قومندانلیگی نینگ بلند مرتبه‌لی رسمی‌لری بو ولایتده کیلگن. شونینگدیک خاص کوچلر تیوره تومنی گه یوباریلگن و بو تومن هیچ قچان طالبان قولیگه سقوط قیلمه‌یدی.»
بو خواطرلر بیان ایتیلگن بیرحالده، ایکی کون آلدین ۲۰ حربی قورال‌لری بیلن طالبان گروهی گه قتنشدی و شونینگدیک تیوره تومن بناسی نینگ نیچه کیلومترلیگیده قرار تاپگن «یخن» قیشلاغی بوگون ایرته‌لب طالبان نظارتی گه اوتدی کیم نتیجه‌ده، امنیتی کوچلردن ایکی ته‌سی هلاک ایتیلدی.
