سرمایه یاتقیزووچی و سوداگرلیک اتاق مسئوللری نینگ ایتیش‌لریچه، سونگی کون‌لرده نظیری کوریلمه‌گن درجه‌ده تیل بهاسی کوپه‌یگن دیر. اوشبو اتاق مسئوللری گه کوره، پترول گه قره‌گنده دیزل بهاسی نینگ کوپه‌یگنی، یشاوچیلر اوچون کوپینچه قیین‌چیلیک یره‌تگن.
بوگون کابل ده یولگه قوییلگن خبری بیر ییغین‌ده قندهار سرمایه یاتقیزووچی و سوداگرلیک اتاق ریاستی نینگ سرپرستی مسعود‌احمد راحت نینگ ایتیشیچه، مملکت چیگره‌لریده تیل کیفیت‌لری نینگ کنترول بولیشی اوچون مذکور موترلردن کوپ قطاری بند قالگن دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، تیل موترلری اینیقسه دیزل، سوداگرلیک بندلریده نورم و استندرد اداره نینگ تیکشیریلیشی و نظارتی نی کوتیب تورگنلر.
باشقه بیر تامان‌دن، سوداگرلر و سرمایه یاتقیزووچیلر اسلامی امارت تامانیدن باجخانهلرده قوله‌ی‌لیک یره‌تیلیشی نی ایسته‌یدیلر.
سرمایه یاتقیزوچی و سوداگرلیک اتاقی نینگ اورین‌باسری یونس مهمند نینگ ایتیشیچه، سوداگرلر و سرمایه یاتقیزووچیلر مالیه وضعیت‌لری خصوصیده کوپینچه قیین‌چیلیک بیلن روپه‌ره بولگنلر.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، اسلامی امارت سرمایه یاتقیزووچیلردن حمایت قیلیب و اولر نینگ قیین‌چیلیکلری حل بولیشی اوچون اولرگه بیللی کمیته ایجاد قیلیش‌لری کیره‌ک.
اوشبو ییغین‌ده الوزرا ریاستی نینگ اقتصادی کمیسیون نماینده‌لری تاکید قیلگنلر که، سرمایه یاتقیزووچیلر و سوداگرلر قیین‌چیلیکلری تیزلیککه حل بولیشی ممکن.
